VOV4.K’ho – Ngai òr 22/02, ồng Trương Tấn Sang kuang atbồ lơgar bal mờ mpồl lơh broă dà lơgar neh tus còp mờ lơh broă tàm càr Quảng Ngãi. Tàm do, ồng Trương Tấn Sang neh tus còp mờ boh bơr mờ làng bol lơh ka bal mờ kuang bàng, cau ling kơnhoàl bồt Lý Sơn, là bồt bồ tô dà lơgar dê, tiah gơ jat bal mờ bơhìan bơh mpồl ling dà lềng khin cha jak chài Hoàng Sa..

Đơs tờm bơngă kuơ màng bơh Lý Sơn dê, ồng Trương Tấn Sang sồr gơnoar atbồ càr lơh niam broă rơndap ù tiah, wèt tus khà bơtàu tơnguh dờng ơnàng, dong Lý Sơn tàm tơngai tơnơ\ do ờ mìng pas mờ gam niam. Cih dờp ală jơnau dan dipal bơh làng bol dê bè dong kờl phan bơna lơh ka, ồng Trương Tấn Sang sồr ală kơnă gơnoar atbồ dong làng bol iang nùs lơh broă tàm dà lềng, ờ mìng bơtàu tơnguh lơh sa mờ gam gàr niam ngap lơngai sền gàr dà lơgar. Ồng Trương Tấn Sang sồr càr Quảng Ngãi mờ Gah lơh broă sa mờ bơtàu tơnguh [òn lơgar dà lơgar bal mờ broă bơtàu tơnguh bơta pràn bè tờm tỏi den kung pal kơlôi sơnơng bơtơl chi tam, phan ròng, bơt bơtàu phan bơna drơng lơh sa suơn sre, mơkung geh kơrnuat dong làng bol tam tỏi sơr lèt gan kal ke nàng pơnjat tai tam ală kàl tơnơ\.

                                                            Cau cih mờ yal tơngit K’ Duẩn.