VOV4.K’ho – Ngai òr 18/3, ồng Trương Tấn Sang kuang atbồ lơgar lam bồ mpồl lơh broă dà lơgar neh tus còp mờ lòt sền bơta bơtàu tơnguh lơh sa mpồl bơtiàn mờ sền gàr ngap lơngai, sền gàr dà lơgar tàm càr Bình Phước.

Tàm do, ồng Trương Tấn Sang neh tus lùp còp, pơn jờng làng bol ală kòn cau mờ cau ling tàm tiah nhàr lơgar Lộc Ninh rềp mờ lơgar Campuchia. Mho ngai òr, ồng Trương Tấn Sang mờ mpồl lơh broă neh geh dơ\ lơh broă mờ kuang đơng lam bồ càr Bình Phước mờ Binh đoàn 16, là mpồl ling geh kơnòl mut lơh broă lơh sa sền gàr dà lơgar tàm 3 càr Bình Phước, Daknông mờ Daklak. Ồng Trương Tấn Sang sồr càr Bình Phước pal kờp sền wơl bơta pràn càr dê, sac rơ wah ală bơta phan bơna tờm ngan nàng bơcri tơnguh jơnhua cồng nha tơnhàu, bơta niam. Gơ wèt mờ gah lơh sa suơn sre kung pal sền gròi tus bơta tam gơl trồ tiah ngai sơlơ gơ rềng uă, bơta soat dà gam lơh aniai uă rlau, den tàng bal mờ broă lơh tềng đap mat rơcang sơndră bơta soat dà mờ broă tam gơl chi tam, phan ròng, pal sền gròi tus bơta tam pà, lam sồr priă bơcri, gơtùi ngui priă càn ODA nàng lơh niam, lơh pa ală tơnau dơng dà, bơtơt rơbòng dà kờ` rơcang sơndră mờ tam gơl trồ tiah.

                                          Cau cih mờ yal tơngit K’ Duẩn.