VOV4.K’ho - Ngai òr (20/3), ồng Trương Tấn Sang, kuang atbồ lơgar bal mờ mpồl kuang bàng tàm dà lơgar neh tus còp mờ lơh broă tàm càr Ninh Bình bè broă tơnguh bơtàu lơh sa mờ gàr niam bơta lơngăp lơngai dà lơgar tàm càr do. Ồng Trương Tấn Sang neh tus còp mờ sền gròi broă tàp ling rơcang tam lơh tàm Quân đoàn 1 mờ gah đơng lam ling klàng càr Ninh Bình dê.

Lơh broă mờ kuang bàng tòm càr Ninh Bình bè broă tơnguh bơtàu lơh sa-mpồl bơtiàn mờ gàr niam bơta lơngăp lơngai dà lơgar tàm càr do mho òr (20/3), ồng Trương Tấn Sang neh sồr càr Ninh Bình lơh geh cồng nha kơrnoăt pơrjum dờng Đảng ală kơnă, tam klăc, bơceh pa, tơnguh bơta pràn càr dê kờ` ai càr Ninh Bình geh tơnguh bơtàu mhar, kơl jăp tàm tu\ tơrgùm bal. Ồng Trương Tấn Sang kung đơs là, tàm tơngai tus, bơdìh mờ bơta niam, geh tìp uă kal ke ngan là broă tam pơlòng tàm tu\ tơrgùm bal mờ ală khà lơh uă, den tàng he ờ rơcang lài bơh tu\ do den ờ geh cồng nha. Ồng Trương Tấn Sang sồr càr Ninh Bình chồl pràn broă tam gơl broă lơh sa, tàm hơ\ uă ngan là gah lơh sa suơn sre, rơwah sơntìl phan tam, phan ròng geh pràn pơgồp bal mờ broă ngui khoa học kỹ thuật tàm broă lơh sa, lơh gơs gùng dà broă lơh bal mờ ring bal tàm broă đơgn lam, sền do là kơnòl mhar ngan. Lài mờ hơ\, tàm ngai 19/3, ồng Trương Tấn Sang neh bal mờ kuang bàng tàm dà lơgar tus còp mờ lơh broă tàm càr Dak Nông. Ồng Trương Tấn Sang neh tus còp làng bol kòn cau, hìu nhă geh sră dong kờl bơh dà lơgar tàm ntum Quảng Trực, kơnhoàl Tuy Đức mờ tus sền gròi broă tơnguh bơtàu lơh sa-mpồl bơtiàn, càr niam bơta lơngăp lơngai dà lơgar ală mpồl ling tàm càr Dak Nông.

        Cau cih mờ yal tơng^t Ndong Brawl