VOV4.K’ho – Tàm 2 ngai, 6 mờ 7/7, ồng Trương Tấn Sang kuang atbồ lơgar mờ mpồl lơh broă dà lơgar neh tus còp mờ lơh broă tàm càr Thái Nguyên bè bơta bơtàu tơnguh lơh sa mpồl bơtiàn, sền gàr ngap lơngai dà lơgar mờ broă bơyai lơh pơrjum Đảng ală kơnă.

Lơh broă mờ kuang đơng lam bồ dờng màng càr Thái Nguyên, ồng Trương Tấn Sang đơs tờm, mờ cồng nha bơh uă nam do dê, Thái Nguyên gam hời rơhời gơs là dùl tàm ală anih tờm lơh sa mờ mai\ mok geh bơta chài uă. Mơya gơs dùl anih tờm lơh sa mờ mai\ mok geh bơta chài uă ngan ngồn, kờ` pal geh nùs nhơm lơh ngan, bồ tơngoh sơnơng di mờ broă lơh mhar bơh mpồl kuang đơng lam bồ dê. Ồng Trương Tấn Sang đơs là, tơngai tus, Thái Nguyên pal sền gròi tus bơto bơtê mpồl cau lơh broă geh bơta chài, geh tơl pràn jak drơng jơnau kờ` bơtàu tơnguh lơh sa mờ mai\ mok tàm ală nam tus. Bơh cồng nha lơh geh tàm tơngai lài, Thái Nguyên pal pơnjat tai sơnơng, jòi bơta tam klac mờ ală mpồl lơh broă lơgar ndai, lơh geh bơta tam gơl pa tàm ală gah ndai, tàm hơ\ geh lơh sa suơn sre.