VOV4.K’ho - Tàm dơ\ tus pơrjum dờng mpồl APEC nam 2015 geh bơyai lơh tàm càr lơgar Manila, lơgar Philippines, mho òr (17/11), tàm gơlang kuang atbồ lơgar Philippines, ồng Trương Tấn Sang, kuang atbồ lơgar neh geh dơ\ cri bơyai mờ ồng Benigno Aquino, kuang atbồ lơgar Philippines.

Tàm dơ\ pơrjum, ồng Trương Tấn Sang bal mờ ồng Benigno Aquino neh tơl^k nùs nhơm chờ hờp tu\ go\ broă lơh bal bơh 2 lơgar neh geh bơ\t bơtàu sùm mờ tơnguh bơtàu tàm ală nam do tàm ală gah lơh broă mờ cri bơyai bè ală gùng dà, broă lơh dờng kờ` chồl pràn mờ lơh ală broă tàm broă lơh bal kuơ màng tàm tơngai tus. Tơnơ\ mờ dơ\ cri bơyai, 2 lơgar neh tơl^k jơnau yal bal bè broă crơng gơs broă lơh bal kuơ màng. Broă do geh pờ tơl^k 1 rài pa tàm broă lơh bal bơh 2 lơgar dê; ai tơl^k tai ală bơta pràn pa kờ` tơnguh nùs nhơm pin dờn, chồl pràn broă lơh bal mờ pơgồp bal tàm broă cèng wơl bơta lơngăp lơngai, pas gơs mờ ring niam tàm tiah do.

Bal mờ ngai òr (17/11), ồng Trương Tấn Sang neh geh cri bơyai mờ ală mpồl lơh sa dờng lơgar Mỹ. Tàm dơ\ cri bơyai, ồng Trương Tấn Sang neh đơs tòm broă lơh bal bơh lơgar Việt Nam mờ lơgar Mỹ neh geh ală broă tơnguh bơtàu pràn mờ đơs niam ală broă pơgồp bal mờ hơ bal bơcri priă kă bro bơh ală anih lơh sa kă bro lơgar Mỹ mờ lơgar Việt Nam dê.

        Cau cih mờ yal tơng^t Ndong Brawl