VOV4.K’ho - Ngai òr (29/9), tàm dơ\ tus còp mùl màl lơgar Cuba, ồng Trương Tấn Sang, kuang atbồ lơgar bal mờ kuang bàng ala măt dờng màng lơgar he neh tus còp Gơnoar ala măt dà lơgar Cuba, tìp mờ cri bơyai mờ ồng Esteban Lazo, kuang atbồ Gơnoar ala măt dà lơgar Cuba bal mờ kuang bàng đơng lam Gơnoar ala măt dà lơgar Cuba. Tàm dơ\ tìp, ồng Trương Tấn Sang neh chờ gờm kuang bàng bal mờ làng bol lơgar Cuba bè ală cồng nha niam bơh broă “Tơmu\t jơh broă tơlòng lơh sa” mờ ală cồng nha lơh broă bal mờ lơgar ndai neh geh tàm tơngai mờ tơl^k nùs nhơm sền ngềr ngan tus mờ cồng nha lơgar Cuba neh geh tàm broă sền gàr mờ tơnguh ală cồng nha kăc màng dờng màng bè mpồl bơtiàn, lơh sơnơm, bơto bơtê, công nghệ sinh học mờ tàp pràn să jan; mờ tơnguh sùm broă dong kờl mờ pờ ơnàng broă lơh bal mờ uă lơgar gam tơnguh bơtàu, tàm hơ\ uă ngan là tàm ală gah sền gàr bơta pràn kơl dang să jan mờ bơto bơtê, pơgồp bal sùm tàm broă tơnguh nùs nhơm pin dờn bal mờ bơngă dunia lơgar Cuba dê. Ồng Trương Tấn Sang neh đơs niam broă lơh bal sơlơ ngai sơlơ nền nòn bơh Gơnoar ala măt dà lơgar Cuba tàm cồng nha pơrjum dờng mpồl tam klăc Gơnoar ala măt dunia dơ\ 132 geh lơgar Việt Nam bơyai lơh tàm 3 nhai bồ nam do.

        Cau cih mờ yal tơng^t Ndong Brawl