VOV4.K’ho - Pơnjat tai dơ\ tus lơh broa\ tàm ala\ càr đah tô mat tơngau mut dà lơgar, ngai òr 05/02, ồng Trương Tấn Sang kuang atbồ  lơgar dà lơgar mờ mpồl lơh broa\ geh tus còp mờ lơh broa\ tàm càr Yên Bái nàng geh jòi git wa\ bè bơta bơtàu tơngguh lơh sa mpồl bơtìan bơh càr dê kung bè rài kis bơh làng bol ala\ kòn cau gam ơm kis tàm càr. Ồng Trương Tấn Sang sồr ala\ sơna\, gah lơh broa\ bơh càr Yên Bái geh drơng tus làng bol, cau ling ngan la cau rbah, hìu nha\ geh khà sra\ dong kờl bơh dà lơgar geh wa\  rò sa tềp nam pa Ất Mùi chờ hờp mờ ram mhu\. Ngan ngồn, mpồl đơng lam Đảng, gơnoar atbồ gam lơh ngan ua\ broa\ nàng lơh gơs geh jai broa\ lơh bơtàu tơngguh lơh sa mpồl bơtìan nam 2015, nam lồi bơh broa\ mut lơh jat kơrnuat pơrjum Đảng gùt lơgar dơ\ XI, lơh geh bơr nàng ja\ kơljap ngan tus tơngai lơh broa\ tus. Sa tềp bơhìan dà lơgar mờr tus, kuang atbồ lơgar sồr ala\ kơna\, ala\ gah bơh càr drơng nền nòn ngan, gàr niam tus làng bol tàm càr, ngan la ala\  cau rbah, hìu nha\ geh màng mờ dà lơgar geh sa tềp hờm ram, ờ do ờ da\.