VOV4.K’ho – Mho òr 13/11, ồng Trương Tấn Sang kuang atbồ lơgar, kuang atbồ Mpồl đơng lam tam gơl kơrnuat boh lam dà lơgar đơng lam pơrjum dơ\ 24, tă pơgồp jơnau đơs bè jơnau yal tơn jơh broă mut lơh broă lơh kuơ màng tàm broă tam gơl kơrnuat boh lam tơngai bơh nam 2011 tus nam 2016; kờp du\ lài broă lơh kuơ màng tàm broă tam gơl kơrnuat boh lam tơngai bơh nam 2016 tus nam 2020; jơnau yal tơn jơh broă lơh tơngai lơh broă bơh nam 2011 tus nam 2016 mờ rơndap broă, kơnòl broă lơh tơngai bơh nam 2016 tus nam 2021.

Tàm dơ\ pơrjum, ồng Trương Tấn Sang đơs niam broă rơcang lài jơnau yal cồng nha mut lơh tơngume kuơ màng tam gơl kơrnuat boh lam tơngai bơh nam 2011 tus nam 2016 mờ kờp du\ lài broă lơh tam gơl kơrnuat boh lam tơngai bơh nam 2016 tus nam 2020; cồng nha tơn jơh broă lơh bơh Mpồl đơng lam tơngai lơh broă bơh nam 2016 tus nam 2020 mờ rơndap broă bơt bơtàu mpồl lơh broă, broă lơh bơh mpồl đơng lam dê. Ồng Trương Tấn Sang sồr, jơnau yal pal tơr gùm lơyah, lơh ngan lơh sir nàng bồ nhai 12 geh jơnau yal ngan ngồn ai Gah gùng dră bal dà lơgar in. Ồng Trương Tấn Sang kung đơs là, bơta git wă tàm Đảng, tàm làng bol bè tam gơl kơrnuat boh lam krơi rlau mờ ală kơnă lài, gah yal jơnau tơngit kung mblàng yal uă rlau. Kờ` mut lơh geh cồng nha rơndap broă tam gơl kơrnuat boh lam tus nam 2020 geh kơrnuat sồ 49 bơh Gah gùng dră bal dà lơgar dê ai tơlik, pơgồp bơnah bơt bơtàu dà lơgar gơnoar kơrnuat boh lam tàm tơngai tus.

                                                                   Cau cih mờ yal tơngit K’ Duẩn.