VOV4.K’ho – Ngai òr, 18/9, mpồl đơng lam tam gơl kơrnuat boh lam dà lơgar bơyai lơh pơrjum dơ\ 22, cribơyai, ai jơnau đơs  bè rơndap broă “ Bơta geh ngan mờ broă rơcang sơndră ờ niam tàm broă lơh kơrnuat boh lam” bơh mpồl dong broă Đảng anih cah rơ`a làng bol jơnhua ngan rlau jơh, Anih sền gròi ai ngui kơrnuat boh lam jơnhua ngan rlau jơh mờ Mpồl đơng lam Đảng ling klàng dà lơgar. Ồng Trương Tấn Sang kuang atbồ lơgar, mơ là kuang atbồ Mpồl đơng lam tam gơl kơrnuat boh lam dà lơgar neh đơng lam dơ\ pơrjum. Tàm dơ\ pơrjum, ală kuang bàng iat jơnau yal mờ ai jơnau đơs bè bơta geh ngan mờ broă lơh rơcang sơndră ờ niam bơh Mpồl dong broă Đảng anih cah rơ`a làng bol jơnhua ngan rlau jơh, Anih sền gròi ai ngui kơrnuat boh lam jơnhua ngan rlau jơh mờ Mpồl đơng lam Đảng ling klàng dà lơgar.

Geh uă jơnau đơs đơs là, tàm ală nam pa do, bơta sa kuề sa kùa tàm lơgar he pơnjat tai gơguh uă mờ gơlik geh kal ke. Den tàng kờ` pal geh ròt ală broă lơh ringbal, tơl làm kờ` lam sồr bơta pràn tơr gùm bal bơh gùt mpồl lơh broă gùng dră bal bơh Dà lơgar tus [òn lơgar nàng mut lơh geh cồng nha broă rơcang, sơndră sa kuề sa kùa, ờ niam tàm broă lơh kơrnuat boh lam. Jat ală kuang bàng, rơndap broă pal ai tơlik ală broă lơh kuơ màng, jo\ jòng, tàm hơ\ pal bơsram mờng chài bơh ală lơgar, ngan là ală lơgar tàm mpồl ASEAN.

                                                                     Cau cih mờ yal tơngit K' Duẩn