VOV4.K’ho - Ngai òr (19/11), tàm càr lơgar Manila, lơgar Philippines, ồng Trương Tấn Sang, kuang atbồ lơgar neh geh dơ\ tìp mờ ồng Peter O’Neill, kuang gơs gơnăp gơnoar atbồ hờ đang rơlao jơh lơgar Papua New Guine mờ ồng Justin Trudeau, kuang gơs gơnăp gơnoar atbồ hờ đang rơlao jơh lơgar Canada.

Tàm dơ\ tìp, ồng Trương Tấn Sang neh chờ gờm ồng Justin Trudeau pa guh at gơnoar kuang gơs gơnăp gơnoar atbồ hờ đang rơlao jơh lơgar Canada, ồng Trương Tấn Sang đơs, lơgar Việt Nam sùm sền kuơ broă lơh bal mờ lơgar Canada mờ sồr 2 gah pal geh ală broă chồl pràn broă lơh bal bơh 2 lơgar, lơh geh cồng nha ală jơnau ring bal bơh 2 lơgar dê. Ồng Justin Trudeau đơs tòm, lơgar Việt Nam là lơgar lơh broă, kă bro sơlơ ngai sơlơ kuơ màng lơgar Canada dê mờ đơs tai, Gơnoar atbồ lơgar pa lơgar Canada kơ\p kờ` ai bơta pràn kờ` lơh niam broă lơh bal mờ lơgar Việt Nam tàm ală gah lơh sa, kă bro, bơcri priă, gùng dră bal, lơh broă bal mờ lơgar ndai, dong kờl priă ODA, bơto bơtê… bàr gah pin dờn broă lơh jăt kơrnoăt kă bro bal gan Thái Bình Dương (TPP) geh cèng wơl bơta niam bơne\ tus mờ broă kă bro bơh 2 lơgar dê, mờ pơgồp bal tàm broă chồl pràn broă pơgồp bal tàm tiah do mờ dunia. 2 lơgar kung cri bơyai bè broă gơl^k geh tàm dunia mờ tàm tiah do geh sền gròi bal.

Bal mờ ngai òr (19/11), tàm dơ\ tìp mờ ồng Barack Obama, kuang atbồ lơgar Mỹ, ồng Trương Tấn Sang bal mờ ồng Barack Obama chờ hờp tềng đăp mờ ală broă tơnguh bơtàu tàm broă lơh bal bơh lơgar Việt Nam mờ lơgar Mỹ tơnơ\ mờ 20 nam crơng gơs broă lơh bal mờ ring bal geh pơn jăt tai chồl pràn broă lơh bal kuơ màng tơl ală bơta tàm tơngai tus.

        Cau cih mờ yal tơng^t Ndong Brawl