VOV4.K’ho – Drim do (23/4), tàm càr lơgar Jakarta, lơgar Indonesia geh bơyai mut lơh pơrjum dờng màng châu Á mờ châu Phi, tơngkah 60 nam pơrjum Bangdung (nam 1955), 10 nam git gơp lơh broă bal kuơ màng pa châu Á mờ châu Phi. Tơnơ\ dơ\ mut lơh geh bơyai lơh ală dơ\ pơrjum bal mờ tềng dơ\ pơrjum bal dơ\ 1 bơh pơrjum dê, ồng Trương Tấn Sang kuang atbồ dà lơgar he neh geh jơnau đơs kuơ màng, đơs tờm pơrjum Bangdung nam 1955 neh lơh gơs bơta pràn dờng ngan nàng làng bol ală lơgar châu Á mờ châu Phi tàu tam lơh ai ngap lơngai is jơi bơtìan mờ bơtàu tơnguh bè tơl bơta; tu\ do, bơngă, gơnuar bơh châu Á mờ châu Phi dê ngai sơlơ gơguh uă tàm dunia. Ồng Trương Tấn Sang kung tam pà ală kal ke, bơta lòng mờ uă lơgar châu Á mờ châu Phi gam pal kong, ngan là bol sò tơm iơh bơsak, tam lơh geh phàu crong, tung lơtang, tam pìt gơnoar tờm, pơhìn ngui phàu crong tam lơh, jơ gloh rơbah, kòp bơtờp, tam gơl trồ tiah, ờ tơl năng lượng, phan sa mờ dà, bơta ờ ringbal bơh ròt mpồl lơh sa, priă jền, kă bro gùt plai ù. Ồng Trương Tấn Sang đơs tờm tàm tiah đah jum mattơngai lik châu Á, Việt Nam gam bal mờ ală lơgar ASEAN lơh jơh broă bơt bơtàu mpồl bơtiàn ASEAN tàm lồi nam do mờ 3 gah kuơ màng bè gùng dră bal, ngap lơngai; lơh sa mờ chài rơgơi mpồl bơtiàn, hời rơ hời bơt bơtàu tiah đah jum mattơngai lik châu Á gơs là tiah ngap lơngai, kơ\ kơljap, tam klac mờ pas sơm mờ pờ geh bơta niam tam klac bal đah châu Á mờ châu Phi kung bè tàm dunia.

                                                                                 Cau mblàng K’ Duẩn.