VOV4.K’ho - Mho òr (23/3), tàm Gơlang kuang atbồ lơgar, ồng Trương Tấn Sang, kuang atbồ lơgar neh jàu kơrnoăt pồ groăt Thượng tướng tus mờ ồng Nguyễn Văn Thành, kuang jăt jơng atbồ gah kuang àng dà lơgar mờ pồ groăt Thượng tướng ồng Phạm Dũng, kuang jăt jơng atbồ gah kuang àng dà lơgar in.

Jàu kơrnoăt mờ chờ gờm 2 nă ồng geh pồ mờ tơnguh groăt Thượng tướng, ồng Trương Tấn Sang neh đơs tòm, geh pồ mờ tơnguh groăt Thương tướng là pơnyờ să dờng màng ngan mơya kơnòl kung sơlơ uă. Den tàng, mờ gơnoar là kuang bàng đơng lam dờng màng gah kuang àng làng bol dê, tàm tơngai tus, 2 nă ồng pal tơnguh rơlao tai bơta pràn, bơta ngăc ngar să tòm, bal mờ mpồl duh broă Đảng gah kuang àng dà lơgar bal mờ kuang atbồ đơng lam gah Kuang àng dà lơgar pơn jăt tai tơnguh bơhiàn jăk chài kuang àng làng bol khin cha jăk chài, gàr kơl jăp nùs nhơm kăc màng, đềt mềr mờ Đảng, mờ Dà lơgar, mờ Làng bol, jơh nùs drơng broă dà lơgar, drơng broă làng bol in.

                  Cau cih mờ yal tơng^t Ndong Brawl