VOV4.K’ho – Ngai òr 1/11, tàm Hà Nội, ồng Trương Tấn Sang, Kuang atbồ lơgar lài do tus còp mờ lơh broă mờ Mpồl dong kờl sơnơm tơm ba phan bơna dà lơgar Việt Nam. Tàm dơ\ lơh broă, ồng Trương Tấn Sang chờ hờp bal mờ ală cồng nha mờ ală kơnă Mpồl dong kờl sơnơm tơm ba phan bơna gùt lơgar dê neh lơh geh tàm tơngai lài; kuơmàng là ală broă lơh dong kờl làng bol gơtìp aniai uă ngan bơh trồ prang, gơbam dà lềng, mờ dong làng bol ală càr tiah tàm gùl lơgar sơrlèt gan mờ bơta gơlời wơl bơh mìu nhàc dà ko\ dà cò lơh aniai, bè ờs wơl rài kis. Ồng Trương Tấn Sang kơ\p kờn, Mpồl dong kờl sơnơm tơm ba phan bơna dà lơgar Việt Nam pơn jat tai mu\t lơh niam ală cồng nha neh lơh geh, geh tai uă broă bơceh lơh pa nàng mu\t lơh geh cồng nha ală srơh sền gàr dong kờl kòn bơnus, lơh broă niam. Bal mờ broă dong kờl mhar ală phan bơna kờn pal geh ai cau gơtìp aniai bơh dà ko\ dà cò tàm tiah tàm gùl lơgar in, Mpồl dong kờl sơnơm tơm ba phan bơna dà lơgar Việt Nam kờn pal pơn jat tai kơlôi sơnơng, jòi gùng dà broă lơh, phan bơna dong kờl nàng làng bol sơr lèt gan ală kàl mìu nhàc dà ko\ dà cò dùl bă kơ\ kơl jăp jo\ jòng, tơrmù lơyah ngan rlau jơh bơta gơ aniai bơh trồ tiah lơh.

Cau cih mờ yal tơngi\t- Lơ Mu K’ Yến