VOV4.K’ho – Mho òr 25/12, ồng Trương Tấn Sang kuang atbồ lơgar, kuang bàng Gơnoar ala mat dà lơgar kơnă 13 mờ Mpồl kuang bàng Gơnoar ala mat dà lơgar [òn dờng Hồ Chí Minh neh geh dơ\ lơh broă mờ Anih duh broă làng bol bè sền gròi broă bơsong yal yă yal khài bơh làng bol dê..

Tơnơ\ mờ tu\ iat jơnau mblàng bơh ală mpồl lơh broă dê tus mờ ală broă gơ tềng tus jơnau dan bơh làng bol dê bè tơm wơl broă ntrờn tus tiah ơm kis pa, khà priă hìu. Ồng Trương Tấn Sang tơngkah, tài broă gơlik geh tàm uă tu\ tơngai, den tàng tu\ bơsong, pal sền gròi tus gơnoar kuơ bơh ală mpồl cau krơi is, ai bơta ndrờm bal, pal sơnơng sơlơu\ wơl, lơh cơng mờ khà kờp, pal ringbal tàm tơl tơngai, geh ală khà ndrờm mờ khà priă bal. Bè ală broă yal yă yal khài gơ rềng tus broă kă bro, ngui mờ bơyai tơr`a tàm ală hìu ơm ngui bal, ồng Trương Tấn Sang mờ ală kuang bàng Gơnoar ala mat dà lơgar sồr tu\ gam bơta pràn lam sồr, pơn jờng den pal lơh. Kuang bàng pal tus sền tơn tàm [òn lơgar, sền tơl bơta mùl màl nàng bơsong gơ in dipal.

                                                              Cau cih mờ yal tơngit K’ Duẩn.