VOV4.K’ho - Mho òr (02/12), tàm [òn dờng Cần Thơ,  ồng Trương Tấn Sang kuang atbồ lơgar geh bùi lơh broa\ mờ mpồl đơng lam  tiah đah jum mat tơngai mut dà lơgar bè bơta lơh sa mpồl bơtìan mờ gàr niam ngap lơngai tàm tiah ring dà dờng Cửu Long bơh bồ  nam tus tu\ do.

             Tàm bùi lơh broa\, ồng Trương Tấn Sang đơs tờm: Tiah ring dà dờng Cửu Long la tiah tờm ngan, dờng ngan bè lơh sa suơn sre, ala\ cồng nha lơh geh  bơh 30 nam tam gơl pa neh ai go\ bơta hơ\, tu\ do bơta pràn gam dờng ngan. Mpồl đơng lam neh bal mờ ala\ gah, sơnah lơh broa\, kờ` pal lơh ngan ai jơh pràn nàng  ngui jơh bơta pràn bơh tiah do ngan la broa\ lơh sa suơn sre mờ phan tàm dà. Tàm hơ\, pal rơndap wơl chi tam phan ròng, tam gơl mờ lơh ua\ ala\ broa\ lơh cèng geh cồng nha tàm tơngai lài, mơ kung geh ngui khoa học công nghệ tàm lơh sa nàng tơngguh cồng nha lơh geh,  pràn tam pơrlòng, hơ\ kung la tơngguh bơta kuơ pơ gồp bal bơtàu tơngguh rài kis bơh làng bol mờ lơh sa dà lơgar. Ồng Trương Tấn Sang đơs tờm,  tàm bơta pria\ jền dà lơgar gam ờ  ua\, den tàng pal kờp du\ bè lơi gơ hòi ua\ ngan  khà pràn bơcri tơn bơh lơgar cau tàm ù tiah do bal mờ lơh pràn lơh niam sra\ nggal, gàr niam ngap lơngai dà lơgar…Geh bè hơ\, hơ\ sồng geh ta\ pơ gồp chul chồl bơtàu tơngguh bơh tiah kuơ màng đah jum mat tơngai mut dà lơgar.

                                      Cau cih mờ yal tơnggit K’ Brọp