VOV4.K’ho – Ngai òr 06/03, ồng Trương Tấn Sang kuang atbồ lơgar lam bồ Mpồl lơh broă Dà lơgar dê neh lòt còp mờ lơh broă tàm càr Bắc Ninh.

Yal mờ Kuang atbồ lơgar in bè broă mu\t lơh kơnòl broă nam 2015, kuang đơng lam càr Bắc Ninh pà gi\t: Kờp jơh phan lơh geh (GDP) gơguh 8,7%, geh rlau 121 rbô tơmàn priă, ơm dơ\ 6 gùt lơgar; tă dia geh rlau 15 rbô tơmàn priă, tă dia tàm càr geh rlau 10 rbô tơmàn priă, là dùl tàm 13 càr geh tàm pơnring kes priă mờ Dà lơgar in. Đơs pơndu\t dơ\ lơh broă, ồng Trương Tấn Sang sồr càr Bắc Ninh kờn pal pơn jat tai tam gơl bồ tơngoh kơlôi sơnơng, bơceh lơh gơ jat bơta bơceh lơh pa, bơtàu tơnguh mhar mờ jak chài nàng lòt jat ală cơnđoà jơng lòt kơ\ kơl jăp tàm gùng lòt bơtàu tơnguh, ndrờm pal mờ ală bơta pràn, bơta jak neh geh lài. Kuơmàng kờn pal bơto bơtê uă mpồl cau lơh broă lơh geh jơnau kờn ngai sơlơ uă tai tàm ală tu\ tơngai mu\t gơ rờm bal mờ dunia tàm tu\ tơngai pa.

Cau cih mờ yal tơngi\t- Lơ Mu K’ Yến