VOV4.K’ho – Tàm nùs nhơm gùt lơgar chờ hờp rơcang wa\ rò sơnam pa Bính Thân, drim òr 29/01, ồng Trương Tấn Sang kuang atbồ lơgar neh lòt còp mờ nting săp sa Tềp mờ boh bơr đềt mềr mờ kuang bàng, cau ling tàm Hìu bơsram dờng Hậu cần. Ồng Trương Tấn Sang đơs tờm: kơnòl broă lơh kơ\ kơl jăp sền gàr dà lơgar, bơta lơngăp lơngai, bơ\t bơtàu Mpồl ling klàng làng bol kăc màng ngan ngồn, jak chài ngac ngar, rơhời tam gơl pa tơlik tus mờ broă lơh dong broă phan bơna mpồl ling đơs bal mờ broă lơh bơto bơtê mpồl kuang bàng dong broă phan bơna mpồl ling đơs is ală jơnau sồr kơn jơ\ kơn ju\t ngan. Nàng lơh geh jơnau sồr tàm tu\ tơngai pa, ồng Trương Tấn Sang sồr Hìu bơsram dờng Hậu cần kờn pal lam kơlôi sơnơng, bơsram mờ lơh jat niam Kơrnoat Pơrjum dờng Đảng dơ\ 12; Kơrnoat Pơrjum dờng Mpồl Đảng mpồl ling dơ\ X; mờ ală kơrnoat bè broă lơh sền gàr Dà lơgar tàm tu\ tơngai pa; “tam gơl pa jơh, tơl làm bơto bơtê lơh geh jơnau kờn lơh sa pa mờ măy mok tam gơl pa dà lơgar kờn lơh gơs jơh ală kơnòl broă geh jàu”. Ồng Trương Tấn Sang kơ\p kờn Hìu bơsram dờng Hậu cần pơn jat tai lơh jat bơhiàn rơcang lài bơceh pa, bơto niam mờ bơsram jak, dipal là anih tờm bơto bơtê, kơlôi sơnơng jak chài dong broă phan bơna priă jền khà dùl bơh mpồl ling dê lơh geh jơh ală kơnòl broă tàm tu\ tơngai pa.

Cau cih mờ yal tơngi\t- Lơ Mu K’ Yến