VOV4.K’ho – Mang òr, 23/9, ồng Trương Tấn Sang kuang atbồ lơgar mờ pơ ùr bal mờ mpồl kuang bàng dờng màng lơgar Việt Nam neh lòt gùng tus bal pơrjum dờng màng Anih duh broă dunia ringbal broă lơh cribơyai 2030 bè bơtàu tơnguh kơ\ kơljap mờ ală jơnau dờng màng geh gơ rềng tàm New York, lơgar Mỹ bơh ngai 24 tus ngai 28/9/2015 jat jơnau jà bơh ồng Bankimoon kuang atbồ Anih duh broă dunia mờ còp ngan ngồn lơgar Cuba bơh ngai 28 tus ngai 30/9/2015 jat jơnau jà bơh ồng Raul Castro Ruz kuang atbồ lơgar Cuba. Dơ\ tus còp bơh ồng Trương Tấn Sang dê geh pơrya kuơ màng ngan di tu\ tơngkah 70 nam ngai crơng gơs Anih duh broă dunia mờ tơngkah 55 nam ngai crơng gơs git gơp lơh broă bal Việt Nam – Cuba. Ồng Trương Tấn Sang geh tus bal dùl ròt ală jơnau tàm pơrjum dờng màng Anih duh broă dunia, tìp mat 2 gah mờ ờ uă kuang bàng tàm mpồl kờ` mut lơh geh cồng nha broă rơcang lài mờ jơh nùs mut gơ rờm bal dunia jat nùs nhơm pơrjum Đảng dơ\ 11 mờ kơrnuat sồ 32 bơh Gah gùng dră bal dà lơgar dê, tơnguh niam rùp rài, gơ noar lơgar he dê; ai tơnggo\ jơnau pơr gon, nùs nhơm lơh ngan bơh Việt Nam dê tàm broă mut lơh ală jơnau kờ` bơtàu tơnguh kơ\ kơljap bơh Anih duh broă dunia dê; mơkung sơ lơ tơnguh git gơp lơh broă bal đah Việt Nam mờ Anih duh broă dunia, tơr bo\ kơ\ git gơp lơh bơ yô ờs mờng mờ Đảng, dà lơgar Cuba oh mi.

                                                                          Cau cih mờ yal tơngit K’ Duẩn.