VOV4. K’ho - Tàm dơ\ tus còp khà dà lơgar, lơgar Czech, ngai òr (12/05), tàm càr lơgar Praha, ồng Trương Tấn Sang kuang atbồ lơgar mờ ồng Milos Zeman kuang atbồ lơgar Czech neh tus bal mờ đơs tàm dơ\ cri bơyai tam klac lơh sa-nhơl chờ bơh mpồl tam klac lơh sa mờ ma\y mok lơgar Czech, cơldu\ lơh broa\ ka\ bro Slovakia neh bal mờ anih lơh broa\ ala mat lơgar Việt Nam tàm Czech mờ anih ala mat lơgar Việt Nam tàm Slovakia neh bal mờ cơldu\ ka\ bro mờ lơh sa mờ ma\y mok Việt Nam, anih pria\ jền ka\ bro pơ gồp bal bơcri mờ bơtàu tơngguh Việt Nam bơyai lơh. Ồng Trương Tấn Sang đơs tờm, mờ bơrnàng  la bơta git gơp bơhìan niam bơne\, adat boh lam geh lơh gơs mờ đah bơcri ka\ bro buơn boài, ala\ kal ke mờ mpồl lơh sa ka\ bro gơ tìp geh, geh pal geh iat mờ bơsong, ai ala\ gah broa\ lơh pràn bè ka\ bro,  bơcri, nhơl chờ ngai slơ bơtàu tơngguh dờng ơnàng geh cồng nha. Tàm dơ\ cri bơyai, ồng Trương Tấn Sang  mờ ồng Milos Zeman kung neh sền dơ\ ky\ sra\ ala\ jơnau ring bal bơh cơldu\ ka\ bro mờ lơh sa mờ may\ mok Czech. Anih pria\ jền pơgồp bal bơcri mờ bơtàu tơngguh Việt Nam (BIDV) ky\ ala\ ring bal tam klac mờ anih pria\ jền tơlik tac phan mờ lơgar cau Czech (CEB) mờ anih pria\ jền Eximbank Slovakia. Ồng Trương Tấn Sang pin dờn, broa\ ala\ jơnau ring bal tam klac geh ky\ di tàm tu\ do bơh ala\ gah geh la bơrnàng ja\ kuơ màng tàm dong kờl geh cồng nha broa\ bơyai bal, geh tơrbo\ bal bơh ala\ mpồl lơh sa ka\ bro kung bè broa\ dong kờl tus ala\ broa\ lơh tam klac bơcri ka\ bro tàm tơl lơgar.

                                      Cau mblàng K’ Brọp.