VOV4.K’ho - Di tơngkah 60 nam ngai cau lơh sơnơm lơgar Việt Nam, ngai òr 27/02, tàm gơlang kuang atbồ lơgar, ồng Trương Tấn Sang kuang atbồ lơgar neh geh dơ\ tìp mat rềp mềr mờ mpồl cau ala mat ală cau lơh broă khin cha jak chài, cau ling pơr lòng gùt lơgar mờ kuang bàng lơh sơnơm geh pơnrơ jak, ala mat rlau 400 rbô nă kuang bàng lơh sơnơm gùt lơgar. Đơs tàm dơ\ tìp mat, ồng Trương Tấn Sang  gờm chờ mờ đơs niam ală cồng nha mờ gah lơh sơnơm neh lơh geh tàm tơngai lài, tàm hơ\ geh tă pơ gồp dờng ngan bơh ală kuang bàng lơh sơnơm geh pơn rơ jak geh jờng rơ ngai do. Ồng Trương Tấn Sang đơs tờm, bơh 60 nam lơh jat jơnau bơto sồr Bác Hồ dê, tàm 2 dơ\ tam lơh kung bè tàm tơngai bơt bơtàu dà lơgar, mpồl kuang bàng lơh sơ nơm neh rơcang phi să, lơh broă tàm ală tiah sar lơgar ngài, mờ tă pơ gồp tus mờ broă lơh sền gròi pràn kơldăng să jan làng bol, mut lơh geh cồng nha uă broă lơh rbô nam bơh anih duh broă dunia dê bè lơh sơ nơm, lời wơl bơta kah kir niam mờ gơp bơ yô dunia.