VOV4.K’ho - Mho mờ mang òr (11/10), tàm gơlang kuang atbồ lơgar, ồng Trương Tấn Sang, kuang atbồ lơgar neh geh dơ\ tìp măt mờ mpồl cau geh pơnrơ jăk tàm mpồl pơlòng “Lam sồr làng bol chài” gùt ling klàng tơngai bơh nam 2010 tus 2015, di tàm tu\ mpồl do tus càr lơgar Hà Nội pơrjum pơn jờng “Lam sồr  làng bol chài” gùt ling klàng.

Geh 102 nă kuang bàng tus tìp măt là ală cau geh pơnrơ jăk tàm broă “Lam sồr làng bol chài” gùt ling klàng, ala măt rơlao 4 rơbô 223 mpồl geh pơn jờng “Mpồl lam sồr làng bol niam” mờ rơlao 8 rơbô mpồl, cau 1 nă să tàm gùt ling klàng geh pơn jờng tàm mpồl pơlòng “Lam sồr làng bol chài”. Tàm dơ\ tìp, ồng Trương Tấn Sang, kuang atbồ lơgar neh đơs tòm tus mờ ală cồng nha mờ mpồl “Lam sồr làng bol chài” gùt ling klàng neh geh tàm tơngai do neh tơl^k uă nùs nhơm kờ` gơboh mờ dà lơgar, gơboh mờ mpồl bơtiàn, pơgồp bal niam tàm broă tơnguh bơtàu lơh sa-mpồl bơtiàn. Ồng Trương Tấn Sang sồr, ală anih lơh broă, mpồl lơh broă pal sền wơl mờ ai tơl^k ală jơnau bơsong, sền gròi rơlao tai tus mờ broă bơ\t bơtàu, tơnguh mpồl lơh broă, mpồl kuang bàng lam sồr, rơcang pơgồp bal uă broă pơlòng lơh ngan geh cồng nha mờ broă pơlòng “Lam sồr làng bol chài” mờ broă pơlòng bơh ală mpồl lơh broă gùng dră bal mpồl bơtiàn tàm ală tiah lam sồr.

                  Cau cih mờ yal tơng^t Ndong Brawl