VOV4.K’ho - Pơn jăt tai dơ\ lòt lơh broă tàm ală càr tiah đah jum mat tơngai mu\t dà lơgar, ngai òr 29/01, ồng Trương Tấn Sang kuang atbồ lơgar bal mờ mpồl lơh broă neh lơh broă mờ Mpồl đơng lam Tiah đah jum mat tơngai mu\t dà lơgar bè broă bơtàu tơnguh lơh sa mpồl bơtiàn, ngan là jòi broă lơh rơndăp tăp sèng wơl lơh broă sa sươn sre, tơnguh jơnhoa mờ pràn jak tàm pơr lòng tàm tu\ tơngai bơta pràn rồn bơklơn bơh mu\t gơ rờm bal tàm tiah do mờ tàm dunia bơh tiah ring dà dờng Cửu Long dê. Ồng Trương Tấn Sang kung neh tus bal dơ\ bơyai lơh tơng kah 38 nam Ngai crơng gơs mờ dờp Gai lòng Ngăp lơngai is khà dùl bơh Anih kơlôi sơ nơng kòi tiah ring dà dờng Cửu Long dê. Đơs tàm dơ\ lơh broă, ồng Trương Tấn Sang đơs la, bơta pràn bơh tiah ring dà dờng Cửu Long dê là lơh broă sa sươn sre mờ bơta phan pràn ngan là phe, phan tàm dà, plai đo biăp bơkàu. Ồng sồr nàng gơtùi tàm pơr lòng, tơnguh jơnhoa khà gơguh tai lơh sa bơh tiah do dê, den broă dờng màng ngan là pal tơnguh jơnhoa cồng nha lơh geh mờ bơta niam tờm chi tam phan ròng, rơndăp tăp sèng wơl broă lơh sa sươn sre, lơh pràn jăt ngui khoa học công nghệ tàm broă lơh sa.

                                                }au mblàng Lơ Mu K’ Yến.