VOV4. K’ho - Di tu\ mut sơnam bơsram pa nam bơsram 2015-2016, ồng Trương Tấn Sang kuang atbồ lơgar neh pơyua sra\ tus Gah bơto bơtê mờ bơsram, tàm sra\ pơyua geh gơl: “Nam bơsram pa 2015-2016, Gah bơto bơtê mờ bơsram kờ` pơnjat tai geh lơh pràn srơh pơr lòng “Bơto jak, bơsram jak” mờ mut lơh geh cồng nha ala\ broa\ lơh geh ai tơlik tàm kơrnuat sồ 29 -NQ/TW bơh mpồl pơrjum dà lơgar 8, kơna\ 11 bè broa\ tam gơl bơh sơnrờp, tơl làm bơto bơtê mờ bơsram. Kờ` sơnơng nền, rcang nền nòn, pal git iat, dờp geh ala\ jơnau cau đơs,  jơnau đơs bơh làng bol, ala\ cau pơgru, cau atbồ bơto bơtê bơsram, ala\ mè bèp kơnòm bơsram, nàng  ala\ broa\ tơlik lơh geh mut lơh niam kơrnuat sồ 88/2014/QH13 ngai 28/11/2014 bơh Gơnoar ala mat dà lơgar bè tam gơl pa bơto bơsram, sra\ ma\y tàm hìu bơsram. Di tàm tu\ do,  a` sồr ala\ kơna\ Đảng, Gơnoar atbồ, ala\ mpồl bơtìan, hìu nha\ mờ mpồl bơtìan pơnjat tai  geh sền gròi ua\ rlau tai, geh lơh bal rlau tai nền nòn ngan mờ gah bơto bơtê mờ bơsram, dong ala\ bơta niam ngan rlau jơh tus broa\ bơsram,  lơh ngan tàp sa\ mờ lơh ngan bơh oh kòn  he dê”.

                                                          Cau mblàng K’ Brọp.