VOV4.K’ho - Tàm dơ\ tus còp khà dà lơgar hờ lơgar Iran, mang 14/3, ồng Trương Tấn Sang kuang atbồ lơgar neh tìp mờ bơyai broa\ mờ ồng Ali Larjani kuang atbồ Gơnoar ala mat dà lơgar mờ ồng Rafsanjani kuang atbồ Mpồl  git wa\ gơ rờm bal dà lơgar. Kuang atbồ Gơnoar ala mat dà lơgar mờ  kuang atbồ Mpồl  git wa\ gơ rờm bal dà lơgar neh jờng ngan  ồng Trương Tấn Sang mờ mpồl kuang bàng dờng màng lơgar Việt Nam còp khà dà lơgar Iran, sền do la dùl broa\ lơh geh pơrya kuơ màng ngan pơ gồp chul chồl git gơp 2 lơgar pơnjat tai  bơtàu tơngguh rlau tai tàm tơngai tus. Ồng Trương Tấn Sang mờ ồng Larjani mờ ồng Rafsanjani di nus ngan tềng  bơta bơtàu tơngguh niam bơh bơta git gơp bơhìan Việt Nam-Iran tàm ala\ nam do. Ồng Trương Tấn Sang đơs niam ala\  ta\ pơ gồp dờng ngan bơh 2 gah lơh broa\ geh gơnoar mờ  sa\ tờm 2 kuang tus mờ  bơtàu tơngguh Iran mờ git gơp bơh Việt Nam-Iran. Ồng Trương Tấn Sang sồr Gơnoar ala mat dà lơgar 2 lơgar geh lơh bal nền nòn ngan tàm broa\ sền gàr, chul chồl  mut lơh ala\ pơrgon, ala\ jơnau ring bal tam klac  bal neh bơyai geh bơh 2 gah,  geh đơs bơta kơp kờ` mờ bơnga\ he dê mờ pin dờ`, bal mờ nùs nhơm kờ` gơboh lời Việt Nam in, ồng Ali Larjani mờ ồng Rafsanjani geh ta\ pơ gồp niam tàm broa\ chul chồl rlau tai  git gơp bơhìan lơh broa\ bal bơh 2 lơgar.

                   Cau cih mờ yal tơnggit K’ Brọp