VOV4. K’ho - Mho òr 15/01, ồng Trương Tấn Sang kuang atbồ lơgar bal mờ mpồl kuang bàng neh tus còp mờ boh bơr mờ kuang bàng, cau pơgru tàm hìu bơsram dờng Kiểm Sát Hà Nội. Ồng Trương Tấn Sang sồr kuang bàng, cau pơgru mờ cau bơsram dờng pal lơh ngan bơto bơtê geh mpồl kuang bàng lơh broă sền gròi jăk chài, geh nùs nhơm drơng broă lơh di pal, drơng broă làng bol in. Tơl^k nùs nhơm chờ tềng đăp mờ cồng nha lài ngan mờ hìu bơsram dờng Kiểm sát Hà Nội neh geh, ồng Trương Tấn Sang đơs tòm, gah sền gròi ai ngui kơrnoăt boh lam geh gơnoar kuơ màng tàm broă lơh jăt kơnòl sền gàr adăt boh lam, gơnoar kòn bơnus, gơnoar làng bol, sền gàr rài xã hội chủ nghĩa, sền gàr bơta kuơ dà lơgar, gơnoar mờ bơta kuơ di pal bơh mpồl lơh broă, cau 1 nă să is, pơgồp bal tàm broă tơl niam adăt boh lam geh lơh jăt nền nòn mờ ndrờm bal, den tàng tơl nă cau pơgru, cau bơsram pal sùm g^t mờ lơh ngan lơh jăt jơnau bơto bơh Bác Hồ dê tus mờ kuang bàng, cau lơh broă sền gròi gah sền gròi ai ngui adăt boh lam dê là “Ndrờm bal, mùl màl, di pal, nền nòn, pơn dềt să”.