VOV4.K’ho - Di tu\ tus bal pơrjum dờng màng châu Á-châu Phi, mho mang òr (22/04), tàm càr lơgar Jakarta, Indonesia, ồng Trương Tấn Sang kuang atbồ lơgar neh wa\ mò Sushma Swaraj  kuang atbồ gah cri bơyai broa\ lơh bal mờ lơgar ndai lơgar Ấn Độ. Tàm bùi wa\,  ồng Trương Tấn Sang đơs tờm Việt Nam sền kuơ tàm broa\ sền gàr mờ bơtàu tơngguh bơta git gơp tam klac bơhìan mờ tam klac kuơ màng bơh 2 lơgar. Bè lơh sa, ồng Trương Tấn Sang geh đơs tờm kờ` pal lơh ngan rlau tai mờ sơrlèt pria\ geh ka\ bro bơh 2 lơgar 15 tơmàn dolar tàm nam 2020, pơnjat tai geh dong bơta bươn  boài tus mpồl lơh sa ka\ bro 2 lơgar tơngguh broa\ lơh tam klac tàm ala\ gah broa\ mờ 2 gah geh bơta pràn bè zòu, năng lượng, bơt bơtàu phan bơna, công nghệ thông tin, bơceh lơh phan lơh geh, phan lơh tà` mai. 2 gah kờ` pal chồl guh cồng nha bơh gùng par tơn  gah rơndah par Việt Nam mờ Ấn Độ. Tàm broa\ lơh ua\ gah,  ồng Trương Tấn Sang sồr 2 lơgar pơnjat tai geh lơh bal geh cồng nha mờ nền nòn ngan tàm ala\ dơ\ cri  bơyai tàm kơnhoàl mờ dunia bè  tam klac ASEAN-Ấn Độ. Dơ\ pơrjum dờng màng Đông Á,  Dơ\ cri bơyai kơnhoàl ASEAN, srơh ờ tam tơrbo\ bal mờ anih duh broa\ dunia.