VOV4.K’ho - Gùl ngai òr 15/01, tàm gơlang kuang atbồ lơgar, ồng Trương Tấn Sang kuang atbồ lơgar neh wa\ mpồl kuang bàng bơh mpồl git gơp lơh broa\ mờ lơgar cau lơgar Lo, bơh mò Lý Tiểu Lâm  kuang atbồ  mpồl lam bồ, gam ơm còp Việt Nam. Tàm bùi wa\,  ồng Trương Tấn Sang neh jờng mpồl git gơp lơh broa\ mờ lơgar cau làng bol lơgar Lo tus còp Việt Nam di tàm tu\ 2 lơgar gam tơng kah 65 nam ngai  git gơp lơh broa\ bal. Ồng Trương Tấn Sang đơs niam  broa\ ala\ mpồl git gơp lơh broa\ bal 2 lơgar neh  bơyai lơh ua\ ngan  broa\ lơh niam di bơta do, kơp kờ` mpồl pơnjat tai geh ala\ ta\ pơ gồp geh cồng nha tàm broa\ lơh mut lơh  broa\ bal, tam klac kuơ màng Việt Nam-Lo. Ồng kung kơp kờ` 2 gah sùm geh tam tìp khà kuang bàng, tơngguh sền gròi, sồr lơh mut lơh ala\ bơta neh pơrgon, bơsong niam ala\ ờ ring, sùm bơtàu tơngguh tam klac tài bơta kuơ bơh 2 lơgar, tàm kơnhoàl mờ dunia. Do  kung la broa\ lơh dùl lơm, jo\ jòng bơh lơgar Việt Nam.