VOV4.K’ho – Tàm nùs nhơm gùt lơgar wèt tus tơngkah 40 nam ngai tơnklàs tiah đah jum, tơr gùm dùl dà lơgar (30/4/1975 – 30/4/2015) mho mang òr 20/04, tàm Gơlang kuang atbồ lơgar, ồng Trương Tấn Sang kuang atbồ lơgar tìp mat mpồl cau ala mat mpồl bơyai lơh broă lơh sră kah kir cau ling bal mờ mpồl yal jơnau tơngit mpồl bơyô tam lơh, cau ling yau Sư đòan 5 tiah đah jum mattơngai lik dà lơgar. Đơs tàm dơ\ tìp mat, ồng Trương Tấn Sang đơs niam broă lơh kah kir tam lơh. Do là broă lơh cèng nùs nhơm mờ bơta kuơ mpồl bơtiàn dờng ngan, kờ` prap gàr mờ lơh li la tai bơta kuơ kah yau mờ chài rơgơi jơi bơtìan dê, bơhìan tam lơh khin cha jak chài bơh làng bol mờ ling klàng he dê tàm ală rài tam lơh ai wơl ngap lơngai is, khat gơboh dà lơgar in kung bè tàm broă lơh bơt bơtàu mờ sền gàr dà lơgar Việt Nam mpồl bơtiàn ringbal làng bol lơh tờm tu\ do. Broă lơh do kung tă pơgồp tàm broă lơh kơlôi sơnơng kah yau, sền gàr bơta niam chài rơgơi jơi bơtiàn, mơkung pơgồp bơnah bơto bơtê ală rơnàng lơgar Việt Nam in pơnjat tai bơtàu tơnguh bơhiàn yau mờ bơta niam chài rơgơi jơi bơtiàn Việt Nam dê tàm broă lơh bơt bơtàu mờ sền gàr dà lơgar tàm tơngai pa. Mờ pơrya kuơ màng hơ\, ồng Trương Tấn Sang sồr mpồl đơng lam mờ mpồl bơyai lơh cih sră kah kir cau ling pal sền gròi krà` cê, dipal mat sơnđan ù tiah, mat sơnđan cau, jat bơta đơng lam bơh Đảng, dà lơgar dê nàng bơt bơtàu sră kah yau ngan ngồn bè dơ\ tam lơh cui rơcai ai ngap lơngai is mờ khat gơboh dà lơgar in.

                                                                                                                            Cau mblàng K’ Duẩn.