VOV4.K’ho - Mho òr (18/5), ồng Trương Tấn Sang, kuang atbồ lơgar neh tìp măt 56 nă cau là ală ơruh pơnu, cau lơh broă geh pơnrơ jăk tàm mpồl lơh nhơm jờu Việt Nam. Do là ală kuang bàng geh cồng nha jăk tàm broă pơlòng lơh broă, bơsram, pơgồp bal tàm broă tơnguh bơtàu gah lơh nhơm jờu dà lơgar in. Chờ gờm mờ pơn jờng ală cau lơh broă geh pơnrơ jăk, ồng Trương Tấn Sang neh đơs niam ală cồng nha mờ broă tơnguh bơtàu pràn bơh gah lơh nhơm jờu dê tàm mờr 40 nam do. Bơh tàm dơ\ mu\t lơh, mờ kơnờm mờ broă dong kờl bơh ală cau jăk chài lơgar bơdìh, den tu\ do, gah lơh nhơm jờu neh gơs là gah lơh sa pràn ngan dà lơgar dê. Kuang bàng, cau lơh broă tàm gah do neh lơh tòm phan lơh broă pa mờ dờp lơh ală gah bơh tàm broă jòi sền, lơh tus mờ broă jồr jờu… ală cồng nha do ờ mìng pơgồp bal tàm broă tơnguh bơtàu lơh sa dà lơgar dê mờ gam pơgồp bal tàm broă sền gàr mờ ai tơl^k gơnoar ù tiah dà lơgar dê tàm ală tiah dà lềng dà lơgar.

                                                                       Cau mblàng Ndong Brawl