VOV4.K’ho – Ngai òr ( 29-6), ồng Trương Tấn Sang kuang atbồ lơgar bal mờ ală kuang bàng Gơnoar ala mat dà lơgar mpồl te\ khà sồ 1, Mpồl kuang bàng Gơnoar ala mat dà lơgar [òn dờng Hồ Chí Minh tìp mat cau te\ khà kơnhòal 1 mờ kơnhòal 3. Cih dờp jơnau đơs bơh cau te\ khà dê bè bơta ờ niam bơh broă blơi sră kham sơm kòp ờ sa priă jat hìu nhă, ồng Trương Tấn Sang đơs tờm do là jat bơta kờ` is ờ gơtùi rồn bơklơn, mơya jơnau kờ` kham sơm kòp ờ sa priă gùt làng bol nàng tă tơm cau kòp in ờ di là mìng cau gơbàn kòp hơ\sồng blơi, pal geh bơta mblàng yal mờ kờp du\ ringbal bơta kuơ dà lơgar mờ làng bol… Mờ broă khà priă xăng zờu, khà priă đèng gơguh jơnhua lơh aniai tus rài kis làng bol dê, ồng Trương Tấn Sang sồr Gah priă jền dà lơgar mờ Gah kă bro lơh sa mờ mai\ mok dà lơgar sền sơwì loh làng, song dơpă nàng làng bol in git, sền gròi mờ tam pà bal. Gơwèt mờ ală broă yal yă mùl màl cau te\ khà dê, ồng Trương Tấn Sang sồr ală kơnhòal mờ [òn dờng Hồ Chí Minh sền sơwì mhar hơ wơl. Ồng Trương Tấn Sang sồr cau te\ khà jơh nùs, đơs song, đơs ngan tu\ tìp mat mờ kuang ala mat, mơkung đơs di tu\ tus ală anih lơh broă geh gơnoar. Mìng bè hơ\ den hơ\ sồng gơtùi bơsong bơta gơlik geh, bơtàu tơnguh bơta pin dờn bơh làng bol dê tus mờ Đảng, Dà lơgar.

                                                                                       Cau mblàng K' Duẩn.