VOV4.K’ho – Tàm dơ\ lòt còp kơnă dà lơgar tus lơgar Tanzania, mho ngai 10/03 jat jiơ Dar es Salaam, hơ\ là mang ngai 10/03 jat jiơ Hà Nội, ồng Trương Tấn Sang kuang atbồ lơgar neh geh dơ\ tìp mat cribơyai broă mờ ồng Job Ndugai kuang atbồ Gơnoar ala mat dà lơgar Tanzania. Ồng Trương Tấn Sang kung neh lòt còp mờ lơh broă mờ kuang bàng, cau lơh broă tàm Anih lơh broă ala mat lơgar Việt Nam bal mờ ala mat cau Việt Nam ơm kis mờ lơh broă tàm lơgar Tanzania. Tàm dơ\ tìp mat cribơyai broă mờ Kuang atbồ Gơnoar ala mat dà lơgar Tanzania, ồng Trương Tấn Sang yal cồng nha cribơyai broă mờ ồng John Magufuli kuang atbồ lơgar Tanzania, tàm hơ\ đơs uă tàm pe broă lơh dờng màng tam klac lơh broă bal đah 2 lơgar, là lơh broă sa sươn sre, viễn thông mờ kă bro, jat tàm bơta hơ\, 2 lơgar geh sơlơ rề ơnàng tam klac lơh broă bal uă rlau tai tàm ală broă lơh ndai.

Tơnơ\ hơ\, ồng Trương Tấn Sang bal mờ pơ ùr mờ mpồl kuang bàng tàm mpồl ala mat lơgar Việt Nam neh lòt còp mờ boh bơr mờ kuang bàng, cau lơh broă tàm Anih lơh broă ala mat lơgar Việt Nam tàm lơgar Tanzania bal mờ ala mat làng bol Việt Nam gam ơm kis mờ lơh broă tàm lơgar Tanzania.  

Cau cih mờ yal tơngi\t- Lơ Mu K’ Yến