VOV4.K’ho – Dờp jơnau jà bơh ồng Bankimoon kuang atbồ Anih duh broă dunia, drim òr, 25/9, ồng Trương Tấn Sang kuang atbồ lơgar mờ pơùr bal mờ mpồl kuang bàng dờng màng lơgar Việt Nam tus New York, lơgar Mỹ sơnđờm tus bal pơrjum dờng màng Anih duh broă dunia dê ringbal broă lơh cribơyai 2030 bè Bơtàu tơnguh kơ\ kơljap mờ ală jơnau dờng màng geh gơrềng bal. Tơnơ\ mờ tu\ tus New York, ồng Trương Tấn Sang neh geh dơ\ tìp mat cribơyai broă mờ ồng Bankimoon tàm hìu lơh broă Anih duh broă dunia dê. Tàm dơ\ cribơyai, ồng Trương Tấn Sang ràng tơlik bơta chờ hờp geh tìp wơl ồng Bankimoon, đơs niam broă ồng Bankimoon lời tu\ tơngai tus mờ dơ\ tìp mat tàm tu\ Anih duh broă dunia gam ờ ru ngan rơcang tus pơrjum dơ\ 70. Ồng Bankimoon đơs niam broă ồng Trương Tấn Sang atbồ mpồl kuang bàng dờng màng lơgar Việt Nam tus bal pơrjum bơh ală lơgar geh jơng tàm Anih duh broă dunia dơ\ 70 mờ uă ngan jơnau geh kuơ. Di tu\ do, ồng Bankimoon kung ưn ngài mờ đơs niam bơta dong kờl jơh nùs bơh Việt Nam dê tàm broă chul chồl git gơp đah mpồl ASEAN mờ Anih duh broă dunia.

                                                                   Cau cih mờ yal tơngit K’ Duẩn