VOV4.K’ho – Tàm nùs nhơm gùt lơgar gờm chờ tơngkah 70 nam kac màng nhai 8 pha lin, sơn tờm dà lơgar ngai 2/9 mờ tơngkah 70 nam gah cribơyai broă mờ lơgar ndai Việt Nam, mho òr, 20/8, tàm Gơlang kuang atbồ lơgar, ồng Trương Tấn Sang kuang atbồ lơgar neh geh dơ\ tìp mat mpồl ala mat kuang bàng đơng lam bồ gah cri bơyai broă mờ lơgar ndai dà lơgar Việt Nam jat ală tơngai. Ồng Trương Tấn Sang đơs là, ală bơta tàm dunia mờ kơnhòal gam gơlik geh mhar ngan, kal ke, ờ gơtùi kờp du\ lài, gah cri bơyai broă mờ lơgar ndai geh kơnòl đal git gơnoar Việt Nam dê dùl bă geh kuơ ngan rlau jơh tàm ală bơta bơh kơnhòal mờ dunia dê, sền gàr kơ\ ală bơta kuơ sền gàr ngap lơngai dà lơgar, broă lơh bơt bơtàu mờ bơtàu tơnguh bơngă dà lơgar dê. Nàng lơh jơh kơnòl dờng màng hơ\, broă bơt bơtàu, bơto bơtê mờ pơlam tàp mpồl kuang bàng lơh broă mờ lơgar ndai mờng chài, nhap nhar bè broă lơh mờ dà đơs lơgar ndai, kơ\ kơl jap bè nùs nhơm gùng dră bal geh pơrya tus kis jo\ dà lơgar dê. Do ờ mìng là kơnòl bơh ală kuang bàng gam lơh broă, mơ kung là kơnòl bơh ală rơnàng kuang bàng lơh broă mờ lơgar ndai dờng sơnam mờ ală kuang bàng neh jơh sơnam lơh broă.

                                                                                                                 Cau mblàng K' Duẩn