VOV4.K’ho – Tàm dơ\ lòt còp, tus bal tơngkah 70 nam tam lơh pha lin phát-xit bơh làng bol dunia dê tàm lơgar Lo, mho òr 03/09, tàm Hìu pơrjum Gơnoar ala mat dà lơgar Lo, tàm Bắc Kinh, lơgar Lo dê, ồng Trương Tấn Sang kuang atbồ lơgar Việt Nam neh geh dơ\ tìp mat mờ ồng Tập Cận Bình kuang atbồ đơng lam Đảng dà lơgar mơkung là Kuang atbồ lơgar Lo. Ồng Trương Tấn Sang đơs tờm, Việt Nam jơh nùs sền dờng màng bơtàu tơnguh bơta gi\t gơ\p kơ\ kơl jăp mờ jo\ jòng mờ Đảng, Dà lơgar mờ làng bol lơgar Lo; kơ\p kờ` bal mờ lơgar Lo ai bơta gi\t gơ\p tam klac lơh broă bal dờng màng tơl làm đah Việt Nam mờ Lo geh mu\t lơh ngan ngồn, geh cồng nha. Ồng Trương Tấn Sang sồr 2 gah kờ` pal sền gròi đơng lam, ală kơnă, ală gah sơnah lơh broă mu\t lơh niam ală jơnau tam hơ bal mờ jơnau gi\t wa\ bal neh lơh geh đah kuang bàng đơng lam bồ dờng màng bơh bàr Đảng, bàr dà lơgar dê; ai jơh pràn mu\t lơh ală broă lơh tam klac lơh bal bơtàu tơnguh ngan ngồn jat kơrnoat pal jat sền dờng màng bơta kuơ  bal mờ gơ\p dê, pơgồp bơnah lơh jrô ơnàng rlau tai bơta gi\t gơ\p lơh bơyô bal, gi\t wa\ mờ pin dờn bal. Ồng Trương Tấn Sang mờ ồng Tập Cận Bình dùl nùs ring bal lơh geh tiah niam bơne\ ai bơta gi\t gơ\p 2 lơgar in bơtàu tơnguh kơ\ kơl jăp, sùm sùm mờ jo\ jòng.

Cau mblàng Lơ Mu K’ Yến