VOV4.K’ho – Di tơngkah 68 nam ngai cau ling sồt să, cau ling chơt màng, mho mang òr, 22/7, tàm Gơlang kuang atbồ lơgar, ồng Trương Tấn Sang kuang atbồ lơgar neh geh dơ\ tìp mat rềp mềr mờ 65 nă cau ling yau là ală kuang đơng lam bồ, kuang bàng, cau ling Quân đoàn 3, neh geh tu\ tus bal tam lơh tàm tiah tam lơh Tây Nguyên B3, ala mat tus mpồl yal jơnau tơngit Quân đòan ling klàng tàm gùt lơgar.

Ồng Trương Tấn Sang, kuang atbồ lơgar pà kuang bàng ala măt in logo lời kir

             Ồng Trương Tấn Sang đơs niam ală pha lin, ală phi să dờng màng bơh rlau 30 rbô nă kuang bàng, cau ling bơh Quân đoàn dê tus mờ broă lơh tơrgùm dùl dà lơgar mờ bơt bơtàu dà lơgar. Tàm bơta tơrgùm dùl, bơtàu tơnguh dà lơgar ngai do, rài kis bơh ală cau ling yau dê kung neh hời rơhời geh bơtàu tơnguh, dà lơgar sùm sền gròi mờ geh broă lơh dong kờl tus mờ hìu nhă cau ling sồt să, cau ling chơt màng, cau geh màng mờ dà lơgar. Ồng Trương Tấn Sang kơp kờ` là ală cau ling yau pơnjat tai tơnguh niam nùs nhơm cau ling ồng Hồ, bal mờ gùt Đảng, gùt ling klàng mờ gùt làng bol sơrlèt gan tơl bơta kal ke, bơt bơtàu dà lơgar pas sơm, pràn kơldang, sền gàr kơ\ gơnoar tờm mờ tơl làm ù tiah dà lơgar dê.

                                                                                               Cau mblàng K' Duẩn