VOV4.K’ho - Geh bal tàm broă lơh nam pa dà lơgar 2016 geh anih duh broă cau lơgar Việt Nam kis hờ lơgar bơdìh gơwèt gah cri broă lơh bal mờ lơgar ndai dà lơgar pơgồp bal mờ anih duh broă làng bol [òn dờng Hà Nội bơyai lơh ai cau lơgar Việt Nam kis hờ lơgar bơdìh rê wă rò satềp dà lơgar in, mho òr (31/1) ồng Trương Tấn Sang, kuang atbồ lơgar bal mờ pơ-ùr mờ gal cau lơgar Việt Nam kis hờ lơgar bơdìh neh tus chu `àng kah kơlôi tềng Điện Kính Thiên, tàm tiah tềl kah yau Hoàng thành Thăng Long mờ tơđùh ka bò jăt bơhiàn dà lơgar dê tàm tơnao ka Bác Hồ tàm tiah tềl kah yau Hồ Chí Minh, kuang atbồ lơgar dê.

Ồng Trương Tấn Sang, kuang atbồ lơgar bal mờ pơ-ùr mờ cau Việt Nam kis hờ lơgar bơdìh lơđùh ka

Ồng Trương Tấn Sang, kuang atbồ lơgar, ku\p rùp bal mờ ala măt cau Việt Nam kis hờ lơgar bơdìh tơnơ\ mờ tu\ neh tơđùh ka

Ồng Trương Tấn Sang, kuang atbồ lơgar bal mờ ala măt cau Việt Nam kis hờ lơgar bơdìh chu `àng tàm hìu duh khoai Điện Kinh Thiên.

                     Ồng Trương Tấn Sang, kuang atbồ lơgar bal mờ pơ-ùr tơnpar sềm

Nam pa dà lơgar là broă lơh geh bơyai lơh pah nam di tàm satềp bơhiàn dà lơgar dê ai mpồl bơtiàn bơh rơlao 4 tơlăk 500 rơbô nă cau lơgar Việt Nam kis hờ lơgar bơdìh in. Di tàm tu\ 8 jơ mang òr (31/1), tàm [làng dờng Kăc màng nhai 8, tềng đăp hìu đơs crih dờng Hà Nội, ồng Trương Tấn Sang bal mờ ala măt kuang bàng đơng lam Đảng, Dà lơgar, kuang bàng đơng lam ală gah, mpồl lơh broă dà lơgar, [òn dờng Hà Nội bal mờ gal làng bol cau lơgar Việt Nam kis gùt tiah tàm dunia geh tus bal dơ\ tìp bal đơs crih tamya kuơ màng mờ tơngu me “Nam pa dà lơgar 2016-ndu gơnrơh Hà Nội”. Broă lơh do geh tus bal đơs crih tamya bơh ală cau chài đơs crih geh pơnrơ ngan tàm lơgar mờ lơgar bơdìh, geh uă nùs nhơm chờ hờp, hờm ram wa rò nam pa mờ chờ gờm tơngai tơnguh bơtàu pa dà lơgar dê.

        Cau cih mờ yal tơng^t Ndong Brawl