VOV4.K’ho - Drim òr (15/07),  tàm Hà Nội neh lơh geh dơ\ bơyai lơh yu\ rơyùm chờ tơng kah 65 nam ngai Bác Hồ crơng gơs mpồl ơruh pơnu lơh broa\ lam lài (15/7/1950-15/07/2015) mờ jàu khà jờng cau ling khin cha jak chài geh phàu crong làng bol ai tus mpồl ơruh pơnu lơh broa\ lam lài 36XP. Do  la mpồl geh cồng nha jak ngan ngồn tàm rài tam lơh, broa\ lơh drơng mờ sền gàr Bác Hồ mờ ala\ anih lơh broa\ dờng ngan dà lơgar tàm ATK tiah tam lơh Việt Bắc. Tàm dơ\ bơyai lơh tơng kah, ồng Trương Tấn Sang  kuang atbồ lơgar neh jờng ala\ cồng nha bơh mpồl ơruh pơnu lơh broa\ lam lài lài do Việt Nam mờ đơs tờm, mpồl  neh geh ta\ pơ gồp dờng ngan tàm ntàu tam lơh ai geh ngap lơngai kung bè bơt bơtàu mờ sền gàr dà lơgar tu\ do. Đảng mờ Dà lơgar geh sùm sền gròi tus bơta  bơsong geh ai pria\, drơng tus rài kis mờ cau geh màng mờ dà lơgar. Ồng Trương Tấn Sang sồr Mpồl ơruh pơnu lơh broa\ lam lài lài do ala\ kơna\, pơnjat tai geh dong broa\, geh jơnau tơlik lơh mờ geh dong mpồl đơng lam đảng, gơnoar atbồ, ala\ anih lơh broa\ geh gơnoar jòi tơl ala\ broa\ lơh nàng gờ` lơh gơs broa\ bơsong geh pria\ ai tus mờ cau geh màng, tàm hơ\ geh mpồl ơruh pơnu lơh broa\ lam lài, lài do.

                                                          Cau mblàng K’ Brọp.