VOV4.K’ho - Tàm tu\ 1 jiơ 45, jat jiơ [òn lơgar, ngai òr (08/05), ồng Trương Tấn Sang kuang atbồ lơgar mờ pơ ùr, lam bồ mpồl kuang bàng dờng màng lơgar Việt Nam  neh tus blàng rơndeh par Domodedovo, càr lơgar Moscow, lơgar Nga, tus bal dơ\ bơyai lơh tơng kah 70 nam tam lơh jai pha tàm tam lơh dờng sền gàr dà lơgar dờng màng, jat jơnau jà bơh ồng Vladimir Putin kuang atbồ lơgar Nga. Tus Nga,  nàng tus bal dơ\ tơng kah 70 nam ngai tam lơh jai pha tàm dơ\ tam lơh dờng sền gàr dà lơgar,  ồng Trương Tấn Sang đơs tờm, jai pha bơh làng bol Liên Xô tàm dơ\ tam lơh sền gàr dà lơgar neh pờ geh gùng tơng klàs ala\ jơi bơtìan gơbàn rồn bơklơn tàm gùt dunia,  lơh geh bơta chul chồl bal làng bol ala\ lơgar, tàm hơ\ geh làng bol Việt Nam, ntàu  tơngguh tam dra\ mờ bơta rồn bơklơn bơh rài bol jà` iơh, phát xít ling iơh, kờ` geh ngap lơngai, khat gơboh tus jơi bơtìan. Dơ\ tam lơh dờng sền gàr dà lơgar bơh làng bol Liên Xô neh geh ta\ pơ gồp dờng màng tus rài ngap lơngai gùt dunia.

                                                Cau mblàng K’ Brọp.