VOV4.K’ho – Drim òr, 16/10, tàm kơnhoàl Đồng Hỷ, càr Thái Nguyên, mpồl ling kơnhoàl 1 neh bơyai lơh tơngkah 70 nam ngai bơhìan bơh mpồl ling do dê ( 16/10/1945 – 16/10/2015) mờ dờp gai lòng Quân công khà 1. Ồng Trương Tấn Sang kuang atbồ lơgar neh tus bal mờ geh jơnau đơs đơs tờm, ală bơta gơlik geh tàm dunia kal ke ngan, kơnòl sền gàr ngap lơngai is, gơnoar tờm, tơl làm ù tiah, sền gàr Đảng, dà lơgar, làng bol mờ rài làng bol lơh tờm mpồl bơtiàn ringbal geh ai tơlik kơn jơ\ ngan. Mpồl ling kơnhoàl 1 pal bơt bơtàu ngac ngar, nhap nhar, tam gơl pa, geh bơta niam tơr gùm bal mờ bơta pràn tam lơh uă. Tơnguh jơnhua cồng nha pơlam tàp cau ling rềp mờ bơta geh ngan tam lơh mờ ală rơndap broă tam lơh bal tàm rài tam lơh pa sền gàr dà lơgar. Ala mat Đảng mờ dà lơgar jàu Gai lòng Quân công khà dùl ai mpồl ling kơnhoàl 1 in, ồng Trương Tấn Sang pin dờn mờ bơhìan “ Jơh nùs, lam lài, tam klac, pha lin” geh ală rơnàng kuang bàng, cau ling mpồl ling kơnhoàl 1 tàm 70 nam do bơt bơtàu; kuang bàng, cau ling mpồl ling kơnhoàl 1 ngan geh lơh niam tơl kơnòl mờ Đảng, dà lơgar bal mờ làng bol jàu.

                                                       Cau cih mờ yal tơngit K’ Duẩn.