VOV4.K’ho – Mho òr, 28/3 Anih cah rơ`a jơnhua ngan rlau jơh dà lơgar bơyai lơh mblàng kơrnuat crơng gơs hìu bơsram dờng Anih cah rơ`a mờ mut lơh pơr lòng sac rơ wah kuang đơng lam cah rơ`a nam 2016.

Tus bal mờ đơs tàm dơ\ bơyai lơh, ồng Trương Tấn Sang kuang atbồ lơgar sồr kuang đơng lam bồ gah anih cah rơ`a bal mờ cau pơgru, cau bơsram hìu bơsram dờng pal lơh ngan lam hìu bơsram gơs là dùl anih tờm bơto bơtê, kơlôi sơnơng jak chài pa ngan, geh bơta niam uă, lơh jơh niam kơnòl gùng dră bal geh jàu, drơng jơnau kờ`, kơnòl tam gơl kơrnuat boh lam bơh dà lơgar dê tàm tơngai bơtàu tơnguh pa. Ồng Trương Tấn Sang sồr hìu bơsram dờng Anih cah rơ`a pal gơs là dùl anih tờm kơlôi sơnơng jak chài cah rơ`a geh bơngă pin dờn, pơgồp chài ngan đah bơto bơtê, bơsram mờ kơlôi sơnơng jak chài, tơr gùm ngan ngồn cah rơ`a, mut ngui kơrnuat boh lam bơh ală anih cah rơ`a dê. Ồng Trương Tấn Sang pin dờn là, brồ guh bơhiàn niam bơne\ 70 nam bơt bơtàu mờ bơtàu tơnguh bơh Anih cah rơ`a làng bol dê, jat jơng ală cồng nha bơh hìu bơsram kuang bàng anih cah rơ`a tàm 56 nam do, hìu bơsram dờng Anih cah rơ`a ngan geh sơr lèt gan tơl bơta kal ke, lơh jơh niam kơnòl bơto bơtê, kơlôi sơnơng jak chài, lam hìu bơsram dờng Anih cah rơ`a gơs là dùl anih bơto bơtê “ Ală cau sền gàr kơrnuat boh lam” geh cồng nha mờ geh bơngă pin dờn bơh dà lơgar dê.

                                                 Cau cih mờ yal tơngit K’ Duẩn.