VOV4.K’ho –  Drim òr 19/02, tàm Hà Nội, Hìu sơnơm Bạch Mai bơyai lơh dơ\ tơngkah 61 nam ngai Cau lơh sơnơm Việt Nam mờ tơngkah 105 nam ngai crơng gơs hìu sơnơm (1911- 2016). Ồng Trương Tấn Sang kuang atbồ lơgar bal mờ ala mat kuang đơng lam ală gah, sơnah lơh broă dà lơgar, ală càr, [òn dờng mờ gal ngan ală rơnàng cau lơh sơnơm, kuang bàng, cau lơh broă bơh hìu sơnơm dê bơh ală rài tus bal. Tàm dơ\ bơyai lơh tơngkah, ồng Trương Tấn Sang chờ gờm mờ jờng rơ ală cồng nha lơh geh mờ bơta tă pơ gồp dờng ngan bơh Hìu sơnơm Bạch Mai dê ai dà lơgar in tàm 105 nam do mờ đơs tờm bơta pràn kơldang să jan là bơta kuơmàng ngan rlau jơh bơh tơl nă kòn bơnus mờ jơh gùt làng bol dê. Sền gàr, kham sơm kòp, tơnguh jơnhoa bơta pràn kơldang să jan, pơ gồp bơnah tơnguh jơnhoa bơta niam tàm rài kis, bơta chờ hờp bơh làng bol dê, sền gàr mpồl cau lơh broă ai broă lơh bơ\t bơtàu mờ sền gàr Dà lơgar, dong să jan dờng pràn mờ kis jo\ bơh kòn bơnus Việt Nam dê, là dùl tàm ală broă lơh ai lài khà dùl bơh Đảng mờ Dà lơgar he dê. Ồng Trương Tấn Sang đơs loh, Pơrjum dơ\ XII bơh Đảng dê neh geh ală kơ nòl broă lơh pràn hòi jà tă pơ gồp priă jền, pơn jat tai bơ\t bơtàu, bơtàu tơnguh lơh uă ală hìu sơnơm, cơldu\ kham kòp; tơnguh jơnhoa bơta niam kham sơm kòp tàm jơh ală hìu sơnơm; rơcang lài rơcang sơndră kòp, ờ lời gơbàn kòp dờng; sơlơ bơto bơtê tai, bơtàu tơnguh mpồl cau lơh sơnơm jơh bal bè khà cau mờ cồng nha tàm broă lơh; tơnguh jơnhoa bồ tơngoh jak chài tàm broă lơh, kơ nòl mờ nùs nhơm cau lơh sơnơm bơh jơh ală mpồl cau lơh sơnơm dê.

Cau cih mờ yal tơngi\t- Lơ Mu K’ Yến