VOV4.K’ho – Mang ngai 27/02, tàm Hà Nội, Gah Lơh sơnơm dà lơgar yu\ rơyùm bơyai lơh Dơ\ tơngkah 61 nam Ngai Cau lơh sơnơm Việt Nam mờ broă lơh tìp mat đơs crih tam ya mờ tơngume “Lơh sơnơm Việt Nam- Tam gơl pa drơng broă, mu\t gơ rờm bal, bơtàu tơnguh mờ jờng rơ ală mpồl cau, cau dùl nă să is pơnrơ jak lơh broă sền gàr pràn kơldang să jan làng bol in.

Tus bal geh ồng Trương Tấn Sang kuang atbồ lơgar mờ ala mat kuang đơng lam bàr pe gah lơh broă dà lơgar, mờ ală càr, [òn dờng, kuang đơng lam Gah Lơh sơnơm dà lơgar bơh ală rài bal mờ uă ngan kuang bàng, cau lơh broă tàm gah lơh sơnơm. Ala mat kuang đơng lam Đảng mờ Dà lơgar đơs tàm Dơ\ tơngkah, ồng Trương Tấn Sang jơh nùs gờm chờ mờ jờng rơ ală tă pơgồp dờng ngan bơh Gah lơh sơnơm mờ bơh ală cau lơh sơnơm dê ai dà lơgar in tàm rlau 60 nam do. Ồng Trương Tấn Sang đơs là, broă lơh sền gàr, dong kờl mờ tơnguh jơnhoa bơta pràn kơldang să jan làng bol in sùm là jơnau sền gròi khà dùl bơh Đảng mờ Dà lơgar he dê. Tu\ do, tàm tu\ tơngai mu\t gơrờm bal mờ gùt dunia, tam gơl trồ tiah, [ơ\ [ơl tiah ơm kis, uă bơta kòp pa gơbàn lơh aniai ờ niam tus pràn kơldang să jan làng bol dê, broă lơh sền gàr pràn kơldang să jan ngai sơlơ geh bơta kuơ mờ gơnoar broă dờng màng ngan. Ồng Trương Tấn Sang đơs tờm, brồ guh ală cồng nha neh lơh geh,Gah lơh sơnơm kờn pal pơn jat tai tam gơl pa jơh ală kơrnoat lơh broă, kơrnoat priă jền, broă lơh mờ nùs nhơm drơng broă bơh kuang bàng dê; tam gơl pa broă lơh bơto bơtê, ngui kuang bàng; broă lơh mblàng yal, bơto bơtê pràn kơldang să jan ai làng bol mờ [òn lơgar in…; Mơkung pal pơn jat tai bơ\t bơtàu, bơtàu tơnguh phan bơna, phan ngui lơh broă; lơh pràn kơlôi sơnơng, jat ngui bơta jak chài măy mok lơh sơnơm jak chài ngan, ală mờng chài kuơmàng bơh gah lơh sơnơm bơhiàn yau dê tàm broă lơh kham mờ sơm kòp; sơlơ kơlôi sơnơng tai, jat ngui bơta jak chài măy mok nàng lơh gơlik sơnơm, lơh gơlik sơnơm vaccine, phan ngui lơh sơnơm tàm lơgar. Mpồl kuang bàng mờ cau lơh sơnơm kờn pal sùm lùp bơsram, tơnguh jơnhoa bồ tơngoh jak chài tàm broă lơh ờs mờng, mờ nùs nhơm, lơh jat jơnau bơto sồr bơh Bác Hồ dê “Nùs nhơm cau lơh sơnơm ndrờm bè cau mè sơl”.

Cau cih mờ yal tơngi\t- Lơ Mu K’ Yến