VOV4.K’ho – Drim òr 21/09, tàm Hà Nội, ồng Trương Tấn Sang kuang atbồ lơgar tus bal Dơ\ tơngkah 70 nam ngai bơhiàn mờ Pơrjum tàm pơrlòng kờn gơboh dà lơgar dơ\ IV bơh gah lùp sền Việt Nam dê. Tàm dơ\ tơngkah, ồng Trương Tấn Sang chờ gờm mờ jờng rơ cồng nha bơh gah lùp sền, ală mpồl cau mờ cau dùl nă să is pơnrơ jak, jak ngan mờ pơnrơ jak ngan tàm srơh tàm pơrlòng kờn gơboh dà lơgar bơh gah lùp sền dê tàm tơngai lài. Ồng đơs tờm, ală nam tus, bơta tàm dunia mờ tàm tiah do gơbàn kal ke gơrềng tus uă bơta tus lơgar he. Sồr kuang bàng, cau lơh broă sa priă nhai gah lùp sền kờn pal gi\t wa\ wil tơl, jrô ơnàng bơta gơlik geh tu\ do bơh dà lơgar dê, tơrgùm lơh niam broă lơh dong broă Đảng mờ Dà lơgar in tàm broă lơh bơ\t bơtàu mờ lơh jơh ală kơrnoat boh lam bè lùp sền, yal yă mờ ngan là tàm broă lơh rcang sơndră sa kuề sa kùa, sền go\, lơh glài di tu\ jơh ală broă lơh tìs tu\ pa gơbàn tơn, kơryan uă ngan rlau jơh jơnau gơlời wơl ờ niam digơlan gơlik geh. Ồng Trương Tấn Sang neh jàu pà Gai lòng Lơngăp lơngai is khà dùl ai gah lùp sền Việt Nam in mờ pin dờn là lơh jat bơhiàn 70 nam do, gah lùp sền ngan ngồn geh ală broă lơh bơtàu tơnguh pa, pràn kơldang rlau, tơl làm rlau mờ lơh geh uă cồng nha dờng rlau tai, pơgồp bơnah dipal tàm broă lơh bơ\t bơtàu mờ sền gàr Dà lơgar Việt Nam rài gơnoar atbồ lơgar tam klac bal làng bol lơh tờm mpồl bơtiàn ring bal.

Cau cih mờ yal tơngi\t- Lơ Mu K’ Yến