VOV4.K’ho – Tàm 2 ngai, 26 mờ 27/10, tàm [òn dờng pa Bình Dương, pơrjum cau ala mat mpồl Đảng càr Bình Dương dơ\ 10, tơngai lơh broă bơh nam 2015 tus nam 2020 ngan ngồn geh mut lơh. Mờ tơngume “ Pơnjat tai tơnguh pràn jak đơng lam bồ mờ bơta pràn lơh broă bơh Mpồl Đảng dê, chồl pràn tam gơl pa, brồ guh geh cồng nha ală bơta pràn lơh ngan bơt bơtàu càr Bình Dương gơs tiah drà pas sơm, gơguh jak, niam bơne\”, 350 nă cau ala mat rlau 37.000 nă cau geh Đảng geh pơn rơ tus mờ bồ tơngoh jak, nùs nhơm, bơta kơp kờ` mờ bơta pràn tam klac bơh gùt mpồl Đảng cribơyai ai tơlik rơndap broă lam Bình Dương bơtàu tơnguh mhar mờ kơ\ kơljap, mhar lam Bình Dương gơs là tiah drà khà dùl. Tus bal mờ đơng lam pơrjum, ồng Trương Tấn Sang sồr pơrjum pal tơr gùm cribơyai, mblàng, sền mờ đơs dipal ală cồng nha neh lơh geh, lơh loh tai ală bơta gam ờ hềt niam, ờ hềt pràn tàm tơngai lơh broă lài, jòi bàn jơnau lơh gơlik geh nàng geh broă lơh krà` cê bơsong tàm tơngai lơh broă tus.

Ồng Trương Tấn Sang tơngkah càr Bình Dương pal tơr gùm mut lơh geh cồng nha ală bơta tam gơl bè rơndap broă lơh, rơndap tap sèng wơl broă lơh sa, tam gơl broă bơcri priă, chồl pràn hòi jà bơcri priă geh sac rơwah, ai lài bơtàu tơnguh lơh sa mờ mai\ mok mut ngui công nghệ pa; pơnjat tai mut lơh niam broă lơh bơt bơtàu [òn lơgar pa dipal mờ dùl càr gam geh khà tam gơl pràn.

                                                                        Cau cih mờ yal tơngit K’ Duẩn.