VOV4.K’ho – Ngai òr, 14/10, pơrjum cau ala mat mpồl Đảng ală anih lơh broă dà lơgar dơ\ 12 tơngai lơh broă bơh nam 2015 tus nam 2020 neh geh mut lơh tàm Hà Nội. Tus bal pơrjum geh ồng Trương Tấn Sang kuang atbồ lơgar, ală kuang đơng lam bồ, kuang đơng lam bồ Đảng, dà lơgar, gah tề lam gùng dră bal dà lơgar Việt Nam lài do, bal mờ 298 nă cau ala mat, ala mat 63 rbô nă cau geh Đảng tàm gùt mpồl Đảng.

Đơs đơng lam pơrjum, ồng Trương Tấn Sang sồr, mpồl Đảng ală anih lơh broă dà lơgar pal tơr gùm bơt bơtàu mpồl Đảng ngan ngồn sang kloh, pràn kơldang, kơ\ kơljap, geh pràn jak đơng lam bồ, bơta pràn lơh broă uă. Do là kơnòl kuơ màng, mpồl Đảng pal pơnjat tai tơr gùm đơng lam mut lơh jat kơrnuat dà lơgar 4 bè bơt bơtàu Đảng gơjat bal mờ broă bơsram mờ lơh jat ơnà jak Bác Hồ nàng lơh gơs bơta tam gơl kuơ màng tàm broă kơryan, tơmù bơta ờ niam bè nùs nhơm gùng dră bal, rài kis tàm kuang bàng, cau geh Đảng, tàm broă rơcang sơndră sa kuề, sa kùa, hoàc huơr.

                                                                  Cau cih mờ yal tơngit K’ Duẩn.