VOV4.K’ho – Mho òr 30/11, ồng Trương Tấn Sang kuang atbồ lơgar, kuang atbồ bơngă ngan mpồl dong kờl sơnơm tơmba phan bơna Việt Nam neh tus bal pơrjum tơn jơh 5 nam mut lơh rơndap broă dong kờl kơn rồ. Do là jơnau bơceh niam ngan, ờ mìng cèng bơta kuơ nùs nhơm dong kờl cau, dong cau rơbah jơh rơbah kơ\ kơljap, mờ gam là broă lơh cèng uă bơta kuơ bè lơh sa – mpồl bơtiàn, sền gàr ngap lơngai – sền gàr dà lơgar tàm tiah sar lơgar ngài, tiah nhàr dà lơgar.

Broă dong kờl kơn rồ geh mut lơh bơh nam 2010, bơh hơ\ tus tu\ do, mờr 20.000 nơm kơn rồ sơntìl neh geh jàu ală hìu nhă rơbah tàm gùt lơgar in, hời rơ hời dong làng bol sơr lèt gan kal ke, tam gơl niam rài kis, brồ guh lik klàs rơbah kơ\ kơljap. Đơs tàm dơ\ pơrjum tơn jơh rơndap broă, ồng Trương Tấn Sang đơs tờm, Đảng, dà lơgar cih dờp mờ đơs niam bơngă lơh tờm, bơngă lơh rơbàng tơrbo\ mờ đơng lam bơh Mpồl dong kờl sơnơm tơmba phan bơna Việt Nam tàm ală broă lơh dong kờl cau đơs bal mờ ală tă pơgồp dờng màng bơh kuang bàng, cau tàm mpồl, cau lơh broă dong kờl is tàm broă mut lơh rơndap broă dong kờl kơn rồ, pơgồp bơnah tàm broă lơh tơn jơh jơgloh, tơmù rơbah, gàr kơ\ ngap lơngai, sền gàr tiah nhàr dà lơgar. Ồng Trương Tấn Sang pin dờn là, mờ bơta lơh bal bơh gùt mpồl bơtìan, bơta dong kờl bơh ală mpồl dong kờl mờ bơta lơh ngan bơh ală kơnă gơnoar atbồ tàm [òn lơgar dê, Mpồl dong kờl sơnơm tơmba phan bơna Việt Nam geh lơh jơh niam rlau tai gơnoar, kơnòl dong kờl cau he dê, pơgồp bơnah dong ală hìu nhă rơbah mhar lik klàs rơbah, ngan là làng bol tiah nhàr lơgar, tiah sar lơgar ngài.

                                                                     Cau cih mờ yal tơngit K’ Duẩn.