VOV4.K’ho - Dờp jơnau jà bơh ồng Joko Widodo kuang atbồ lơgar Indonesia, mho òr (21/04),  ồng Trương Tấn Sang kuang atbồ lơgar neh bal mờ mpồl kuang bàng dà lơgar Việt Nam neh tus càr lơgar Jakarta tus bal pơrjum dờng màng châu Á-châu Phi mờ dơ\ bơyai lơh tơnkah 60 nam pơrjum Bandung, 10 nam git gơp lơh broa\ bal kuơ màng châu Á-châu Phi pa bơh ngai 22-24/4/2015. Mho mang òr, ồng Trương Tấn Sang kuang atbồ lơgar mờ ồng Uông Chu Lưu kuang jat jơng atbồ gơnoar ala mat dà lơgar bal mờ mpồl lơh broa\ neh tus còp anih lơh  broa\ ala mat lơgar Việt Nam mờ tus đơs boh bơr mờ cau kuang, cau lơh broa\ bơh anih ala mat Việt Nam tàm Indonesia. Ồng Trương Tấn Sang geh bơto tơng kah cau kuang, cau lơh broa\ anih ala mat mờ ala\ anih ala mat dà lơgar kờ` pal lơh ngan rlau tai tàm broa\ mut lơh gùng dà  broa\ lơh bơh Đảng mờ Dà lơgar lơh broa\ mờ lơgar cau, mut lơh geh cồng nha ring bal geh pơrgon, git bal di pal ngan jơnau nàng geh dong broa\ tus Đảng mờ Dà lơgar mut lơh niam 2 broa\  lơh kuơ màng bơt bơtàu mờ sền gàr dà lơgar tàm rài pa. Ồng Trương Tấn Sang geh đơs bơta pin dờ` ala\ anih lơh broa\ ala mat mờ mpồl cau Việt Nam tàm Indonesia geh pơnjat tai tam klac, tam ròng bal, sền kuơ adat boh lam lơgar he ơm kis mờ geh pơ gồp chul chồl rlau tai git gơp niam bơne\ geh lài bơh Việt Nam mờ Indonesia, tam klac tàm mpồl bơtìan ASEAN kung bè ala\ lơgar tàm châu Á-châu Phi.

                                                Cau mblàng K’ Brọp.