VOV4.K’ho - Pơnjat tai dơ\ tus lơh broa\ tàm ala\ càr tiah kơh bơnơm đah tô dà lơgar di tu\ bồ  sơnam pa nam Bính Thân 2016, ngai òr (17/2),  ồng Trương Tấn Sang kuang atbồ lơgar  bal mờ mpồl kuang bàng dà lơgar neh geh  dơ\ tus còp làng bol, cau ling tàm ala\ càr Cao Bằng, Bắc Kạn.

            Tàm  càr Cao Bằng, ồng Trương Tấn Sang mờ mpồl lơh broa\ geh tus chu `àng tàm blàng tơp bồc  cau ling chơt màng Trà Lĩnh,  kơnhoàl Trà Lĩnh, càr Cao Bằng- tiah tơp bơh rlau 300 na\ cau ling chơt màng neh khin cha chơt màng tàm ala\ ngai sơnrờp dơ\ tam lơh sền gàr tiah nhàr lơgar đah tô dà  lơgar nam 1979. Pơnjat hơ\,  ồng Trương Tấn Sang neh tus lùp còp, boh bơr mờ cau  kuang cau ling tềng  pôs ling sền gàr tiah nhàr lơgar Trà Lĩnh. Iat jơnau yal tơnggit mờ jơnau đơs bơh atbồ mpồl, ồng Trương Tấn Sang sồr,  tàm tu\ bơta git gơp lơh sa ka\ bro bơh Việt Nam mờ Lo geh tơngguh, pôs ling sền gàr nhàr lơgar Trà Lĩnh kờ` pal dong broa\ mờ kuang atbồ càr,  dong tơl bơta nàng phan bơna, cau lơh broa\ geh lòt gan mpồng nhàr lơgar ua\ rlau, geh lơh geh tiah nhàr lơgar ngap lơngai, git gơp.

            Tus còp mờ nting sap sa tềp Mpồl Đảng, gơnoar atbồ mờ làng bol Bắc Kạn, ồng Trương Tấn Sang neh jờng càr Bắc Kạn bơyai lơh sa tềp niam tus làng bol,  gàr niam lơh sa, gàr niam ngap lơngai tàm tu\ sa tềp. Ồng Trương Tấn Sang  tơng kah càr Bắc Kạn pơnjat tai lơh ngan tus bơta pràn broa\ lơh sa chi brê, rwah ngui ala\ broa\ lơh jak chài pa tàm broa\ lơh sa. Mơ kung sồr gah dà lơgar bal mờ càr Bắc Kạn geh cri bơyai bal, jòi broa\ lơh di pal nàng chồl guh mhar ờ ua\ broa\ lơh bơceh lơh dơm chi,  mpàn ép… pơ gồp lơh  chồl guh mhar gơguh lơh sa mpồl bơtìan tàm nam sơnrờp bơh tơngai lơh broa\ pa.

                             Cau cih mờ yal tơnggit K’ Brọp