VOV4.K’ho - Dờp jơnau jà bơh ồng Milos Zeman kuang atbồ lơgar Czech, ồng Trương Tấn Sang kuang atbồ lơgar mờ pơùr bal mờ mpồl kuang bàng dờng màng lơgar he neh tus càr lơgar Praha, sơnđờm dơ\ tus còp kơnă dà lơgar tus lơgar Czech bơh ngai 10 tus ngai 13/5/2015. Mho òr (10/05), ồng Trương Tấn Sang mờ pơ ùr neh tìp mat, boh bơr mờ ală kuang atbồ anih ala mat bal mờ ala mat mpồl cau lơgar Việt Nam tàm ờ uă lơgar tàm châu Âu. Ồng Trương Tấn Sang sồr ală kuang atbồ anih ala mat pơnjat tai kơlôi sơnơng, dong Đảng, dà lơgar in ală broă lơh geh cồng nha kờ` sơlơ tơnguh git gơp tơl bơta mờ ală lơgar; mơkung sền dờng màng rlau tai broă cribơyai mờ lơgar ndai drơng lơh sa, dong ală Gah, sơnah lơh broă dà lơgar, ală càr, [òn dờng, mpồl lơh sa kă bro lơgar he mờ lơgar ndai crơng gơs bơta tam klac lơh broă bal, mut lơh tam klac geh cồng, tơnguh rlau tai priă lơh geh bơh kă bro 2 gah mờ bơcri priă bơh ală lơgar dê tàm lơgar Việt Nam. Ồng Trương Tấn Sang ràng tơlik bơta pin dờn mpồl cau lơgar Việt Nam tàm tiah do geh pơnjat tai tă pơgồp tus mờ bơta bơtàu tơnguh mờ ngap lơngai mpồl bơtiàn dê, tus mờ broă lơh bơt bơtàu 1 dà lơgar Việt Nam pas sơm mờ pràn kơldang.

                                                                                                                                                   Cau mblàng K’ Duẩn.