VOV4.K’ho - Ngai 08/8, ồng Trương Tấn Sang, kuang atbồ lơgar bal mờ mpồl kuang bàng tàm dà lơgar neh tus còp mờ lơh broă tàm càr Nghệ An bè broă tơnguh bơtàu lơh sa-mpồl bơtiàn bal mờ broă rơcang pơrjum dờng Đảng ală kơnă wèt tus pơrjum dờng dơ\ 12 Đảng dà lơgar dê. Lơh broă mờ kuang bàng đơng lam tòm càr Nghệ An, ồng Trương Tấn Sang đơs là, 5 nam do, càr Nghệ An neh geh sùm khà tơnguh niam, lơh gơs 3 tiah lơh sa mờ bơta pràn is. Tiah đah măt tơngai l^k jăt gah dà lềng mờ broă ròng phan, nhơl chờ. Tiah tàm gùl: tơrgùm lơh gơs phan sa. Mờ kuơ màng ngan tàm tiah đah măt tơngai mu\t càr Nghệ An mờ geh uă bơta niam ù tiah, trồ tiah neh geh sền gròi bơcri priă tơnguh bơtàu mờ tơnơ\ do geh niam rơlao. Ồng Trương Tấn Sang sồr càr Nghệ An pal mhar sền wơl ală bơta pràn neh geh lài, geh ală bơta lơi gơtùi lơh jăt pal lơh mhar, ai geh bơta pràn tu\ tơrgùm bal, pờ mồng anih kă bro mờ ală lơgar tàm tiah do bal mờ dunia.

Cau mblàng Ndong Brawl